Matayo 24:30 - Kivunjo New Testament 1999

³⁰ Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 24:30 ပူးပေါင်းရင်းမြစ်များ

Matayo 24:3

Na lyilya aweṙamie fumvunyi lya mashiṙi ga mseituni, wanalosho wakye wakayenda kokye kui kyiṟika, wechigamba, “Luwie, mbonyi-tsi tsechiwa indi? Na kyiṟingyishio kya icha lyapfo na kya mafurumionyi ga wuyana nyi kyikyi?”

Matayo 24:37

Cha kyipfa chandu kyiwekyeri kyiyeri kya Noe, nyi wuṙo kochiwa kyiyeri kya icha lya Mono-Adamu.

Matayo 24:39

walamanye mṟasa Mfu ukocha, ukowarumatsa woose. Nyi wuṙo kochiwa kyiyeri kya icha lya Mono-Adamu.

Matayo 26:64

Yesu kammbia, “Iyoe nogamba; kyaindi ngammbia, wookyia wulalu mochiwona Mono-Adamu aṙamie kuwoko ko kulyoe ko Ruwa echicha mapuchinyi ga ruwewu.”

Mariko 13:26

Iho nyilyo wechiwona Mono-Adamu echicha mapuchinyi kui pfinya tsifoi na mng'ano.

Mariko 13:4

“Luwie, mbonyi-tsi tsechiwa indi? Na nyi kyikyi kyiṟingyishio kya kyiyeri, isho shoose shechiwa kufuhi iafukyia?”

Luka 21:27

Iho nyiho wewona Mana o Adamu echicha ipuchinyi hamwi na pfinya na mng'ano ung'anyi.

Luka 22:69

Kyaindi wookyia wulalu Mana o Adamu nechiṙamia ura lo kulyoe lo Ruwa Mopfinya.”

Mawuto Ga Wasu 1:11

wakagamba, “Nyoe wandu wa Galyilaya, ny'kyilyi muiambuya ruwewu? Yesu-chu aṙoo iwuka konyu iyenda wuye ruwewu, newuya chandu mommbona echiyenda ruwewu.”

2 Watesalonikye 1:7

na imutaa nyoe muilyiso wukyiwa sia hamwi na soe; kyiyeri kya iloṟo lya Mndumii Yesu iwuka ruwewu hamwi na malaika wa wuiṙimi wokye.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 12:1

Na kyiṟiyisho kying'anyi kyikawoneka ruwewu; mndu mka amṟikye mnengyeṟi, na mori uwekyeri wanda ya maṙende gakye, na mṙoenyi kokye oṟo ya nyenyeri ikumi na tsiwi.