Matayo 24:3 - Kivunjo New Testament 1999

³ Na lyilya aweṙamie fumvunyi lya mashiṙi ga mseituni, wanalosho wakye wakayenda kokye kui kyiṟika, wechigamba, “Luwie, mbonyi-tsi tsechiwa indi? Na kyiṟingyishio kya icha lyapfo na kya mafurumionyi ga wuyana nyi kyikyi?”

Matayo 24:3 ပူးပေါင်းရင်းမြစ်များ

Matayo 13:36

Numa ya iho Yesu kasamana na wuingyi wo wandu. Kaiṙa na kanyi, wanalosho wakye wakayenda kokye, wakagamba, “Lutambuluye mfano o makacha ga ṙemenyi.”

Matayo 13:49

Nyi wuṙo kyechiwa mafurumionyi ga wuyana. Malaika wechiwoneka, wewikyia wawicho kuleshi na wasumganyi,

Matayo 15:12

Naaho-ng'u wanalosho wakye waleyenda kokye wakammbia, “Uichi kye Mafarisayo kyiyeri waleicho ṙeṙo lyilya walewihiyo?”

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 17:19

Numa wanalosho walya wakayenda ko Yesu kui kyiṟika, wakagamba, “Ny'kyilyi soe lulaiṙima immbuta?”

Matayo 21:1

Na lyilya waleshika kufuhi na Yerusalemu, na ishika Betifage, kyikaṟo kyiwekyeri msaṟinyi o mashiṙi ga mseituni, naaho-ng'u Yesu aleṙuma wanalosho wawi, echiwawia,

Matayo 24:27

Cha kyipfa chandu mbawa yekyewaṟuka iwuka ura lo ngamenyi mṟasa ikawono ura lo kyukonyi, nyi wuṙo kochiwa kyiyeri kya icha lya Mono-Adamu.

Matayo 24:30

Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 24:37

Cha kyipfa chandu kyiwekyeri kyiyeri kya Noe, nyi wuṙo kochiwa kyiyeri kya icha lya Mono-Adamu.

Matayo 24:39

walamanye mṟasa Mfu ukocha, ukowarumatsa woose. Nyi wuṙo kochiwa kyiyeri kya icha lya Mono-Adamu.

Matayo 24:43

Kyaindi manyenyi kyindo-kyi; kokooya monyi kanyi aweichi kyiyeri mbafu yechicha, nawelaa kyiṙombo, maa awechiṙa numba yakye ifunjo-pfo.

Matayo 28:20

na iwalosha iosha shoose ngyilemmbi nyoe. Na inyi ngyikyeri na nyoe mfiri yoose, mṟasa mafurumionyi ga wuyana.”

Luka 21:7

Wakammbesa, wechigamba, “Mlosha, shindo-sho shechiwa indi? Na nyi kyiṟingyishio kyiha kyeloṟa kye shindo-sho shikyeri kufuhi na icha?”

Mawuto Ga Wasu 1:7

Kawawia, “Chi iṟunda lyanyu imanya shiyeri Awu awikyie sile oe amonyi-pfo.

Waebrania 9:26

Kokooya nyi wuṙo, kyiwemmbaṟi ilyiso wukyiwa kafoi wookyia wuyana wulagumbo. Kyaindi wulalu, lyimwi tupu, mafurumionyi ga shiyeri, nawoneka lya kuwooka na lya mafurumionyi, ihooṟia ngyuunyamaṟi kui kyiṙaso kya mrima okye.