Matayo 24:29 - Kivunjo New Testament 1999

²⁹ “Kyaindi cha ilyi, numa ya wukyiwa wo mfiri iya, mnengyeṟi ochiwiko meema, na mori ochiloṟa ngyesa yacho-pfo, na nyenyeri tsechioloka iwuka ruwewu, na shindo shingyi sha ruwewu shekupaaya-paya na inyanyaṟika.

Matayo 24:29 ပူးပေါင်းရင်းမြစ်များ

Matayo 24:21

Cha kyipfa kyiyeri-kyo kochiwaṙa wukyiwa wung'anyi, mbaṟe yakye ilandewonekye wookyia mawookyionyi ga wuyana mṟasa wulalu, maa mbaṟe-yo iyo yechiwono-se maa ale-pfo.

Matayo 24:8

Isho shoose nyisho mawookyionyi ga iwawio lying'anyi.

2 Petiro 3:10

Kyaindi mfiri o Mndumii ochicha cha mbafu. Mfiri-cho ngyina tsechirumatso kui ndiṟimo tsing'anyi, na orio kyindo kya wuyana kyechikoṟo na irumatso, na wuyana na shoose shikyeri pfo shesenekyia.

Ulogo 8:12

Malaika o kaana kakapa iganda, kyifunjoe kyimwi kyiiṙi kya shifunjoe shiṟaaṟu sha mnengyeṟi kyikakapo, na kyifunjoe kyimwi kyiiṙi kya shifunjoe shiṟaaṟu sha mori, na kyifunjoe kyimwi kyiiṙi kya shifunjoe shiṟaaṟu sha nyenyeri, kundu kyifunjoe-kyo kyiwaṙe meema, kyingoto kyilawookye kyifunjoe kyacho kya kaṟaaṟu, maa kyio.