Matayo 24:24 - Kivunjo New Testament 1999

²⁴ Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 24:24 ပူးပေါင်းရင်းမြစ်များ

Matayo 22:14

Cha kyipfa walage nyi wafoi, indi wasambuṟe nyi waangu.’ ”

Matayo 24:11

Na weonguo shisuku wa wongo wechiwoneka na ilemba wafoi.

Matayo 24:22

Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:25

Ngammuikyimbia.

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Matayo 24:5

Cha kyipfa wafoi wechicha kui rina lyako, wechigamba, ‘Inyi nyi Kristo;’ nawo wechilemba wafoi.

Matayo 7:15

“Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Luka 18:7

Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama?

Yohane 4:48

Kyasia Yesu kammbia, “Mulandewone shiṟiyisho na ṟigo tsifoi maa ale-pfoe?”

Yohane 6:37

Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo.

Yohane 6:39

Na kyilya ulya alengyiṙuma akundi nyi ikyi, kye kyiiṙi kya woose angyienengyie ngyilaṙetse maa umwi, indi ngyimṟutse mfiri ulya o furumia.

Mawuto Ga Wasu 20:16

Paulo nawekundi iiṙa Efeso akyeri ngalawenyi, kundu alachekyelyio kulya Asia; cha kyipfa awewoṙe kyiyeri kya iretsa-pfo. Nawekundi ishika Yerusalemu iwinyi mfiri o Pentekoste, kokooya kyiwechiiṙimika.

Waroma 12:18

Kokooya kyechiwa, ko ura lonyu, mukae ufoṟonyi na wandu woose.

Wagalatia 4:15

Kyasia, nyi kyikyi kyammbutikye kyeiṙima igaluo ishi shoose? Kyipfa ngyiṟingyishia kye, kokooya kyiwechiiṙimika, muwekuluo meso ganyu, mungyienengye inyi.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

1 Petiro 1:5

Na nyoe mokyeringo nyi pfinya tsa Ruwa kui njia ya iiṙikyia mṟasa muiṙime iwona wukyiṟo wuwuṟeyeṟe wuloṟo kyiyeri kya mafurumionyi.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 2:22

Nyi wui ai moṙeṙa wongo sile ulya ekyekana kye Yesu nyi Kristo? Icho nyi oe mowingana na Kristo, ulya ekyekana Awu na Mana.

1 Yohane 5:18

Luichi kye orio mndu amfee nyi Ruwa ekyewuta kyindo kya wunyamaṟi-pfo; indi ulya amfee nyi Ruwa nekyekuṟumaa, maa Satana ekyempaaya-pfo.

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.