Matayo 24:22 - Kivunjo New Testament 1999

²² Na kokooya mfiri-yo ilawechifuhiṟo, mndu oose awechikyia-pfo; kyaindi kyipfa kya wasambuṟe mfiri-yo yechifuhiṟo.

Matayo 24:22 ပူးပေါင်းရင်းမြစ်များ

Matayo 22:14

Cha kyipfa walage nyi wafoi, indi wasambuṟe nyi waangu.’ ”

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Mariko 13:20

Na kokooya Mndumii alalefuiṟa mfiri-yo mndu oose awechikyia-pfo; kyaindi kyipfa kya wasambuṟe alewasambuṟa nalefuhiṟa mfiri-yo.

Luka 18:7

Ngyesa Ruwa, echiwaenenga kyilya kyiwawaṟi wasambuṟe wakye wekyemfiiṟia kyio na kyingoto-pfoe? Ngyesa nechikyelyio iwatarama?

Waroma 9:11

(kyipfa walandefeo wana walya, maa walandewute kyindo kyicha ang'u kyiwicho, kundu kyindo Ruwa akundi kui isambuṟa kyigoṟokye, chi kyipfa kya mawuto-pfo, indi kyipfa kya kyilya ulya ailaga akundi),

2 Timoteo 2:10

Kyipfa kya ikyo ngyikarishia mbonyi tsoose, kyipfa kya wasambuṟe, kundu nawo waambilyie wukyiṟo wulya wukyeri kyiiṙi kya Kristo Yesu, hamwi na mng'ano o mlungana.

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.