Matayo 23:8 - Kivunjo New Testament 1999

⁸ Kyaindi nyoe mulalago ‘Rabi,’ kyipfa mlosha onyu nyi umwi, na nyoe moose nyi wana wa mka.

Matayo 23:8 ပူးပေါင်းရင်းမြစ်များ

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 23:10

Maa mulalago wasongoru; kyipfa msongoru onyu nyi umwi, na oe nyi oe Kristo.

Matayo 23:7

na iiṟikyiṟo sangaṙa, na ilago nyi wandu ‘Rabi.’

Matayo 26:25

Yuda, ulya momṟiinga, kagaluo, kagamba, “Nyi inyi, Mlosha?” Kammbia, “Iyoe nogamba.”

Matayo 26:49

Cha ilyi kayenda ko Yesu, kagamba, “Ngakuiṟikyiṟa, Mlosha.” Kamkomba.

Mariko 10:51

Yesu kakyigaluo, kakyiwia, “Nukundi ngyikuwutie kyi?” Kyipfupfuṟe kyilya kyikammbia, “Mlosha oko, ngyikundi ngyiiṙime iwona.”

Mariko 11:21

Petiro kakumbuo mbonyi tsa mfumu ulya, kammbia, “Mlosha, ambuya, mfumu ulya uleusesa omwuuma.”

Mariko 14:45

Kyasia kyiyeri alecha, cha ilyi kayenda kokye, kagamba, “Rabi,” kamkomba.

Mariko 9:5

Petiro kawia Yesu, “Mlosha, nyi kyicha soe ikaa iha. Luwikye matengo gaṟaaṟu, lyimwi lyapfo iyoe, lyimwi lya Mose, na lyimwi lya Elyia.”

Luka 22:32

Kyaindi ngakuterewia iyoe kundu iiṙikyia lyapfo lyilawe lyifofo; na iyoe ilyi okyiṟo ukarishe wana wa womoo.”

Yohane 1:38

Yesu kainduka, kawawona wechicha na kokye, kawawia, “Muipfula kyi?” Wakammbia, “Rabi (kyimwi na igamba, Mlosha), nyi kwi okyekaa?”

Yohane 1:49

Natanaelyi kamgaluo, kagamba, “Rabi, iyoe nyi Mana o Ruwa, nyi oe mangyi o Isiraelyi.”

Yohane 11:8

Wanalosho walya wakammbia, “Rabi, nyi icho-lyi tikyi Wayuda wawekundi ikukapa na magoe, na iyoe nukundi iyenda-se pfo?”

Yohane 20:16

Yesu kammbia, “Maria.” Oe kainduka, kammbia kui mṙeṙie o Kyiebrania “Raboni! Kyimwi na igamba, ‘Mlosha oko.’ ”

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 3:26

Wakayenda ko Yohane, wakammbia, “Rabi, ulya awekyeri hamwi na iyoe molyolya o Yoridan, ulya uleṟingyishia mbonyi tsakye, naipatisa, na wandu woose waiyenda kokye.”

Yohane 4:31

Kyiyeri-kyo ikyo wanalosho wakye walemterewa, wechigamba, “Rabi, lya kyelya.”

Yohane 6:25

Na kyiyeri walemmbona molyolya o nduwa, walemmbia, “Rabi, iyoe nocha indi na iha?”

Yohane 9:2

Wanalosho wakye wakammbesa, wechigamba, “Rabi, nyi wui alewuta wunyamaṟi, mndu-chu ang'u wafee wakye, mṟasa nafeo ai kyipfupfuṟe?”

2 Wakorinto 1:24

Chi kye luichilyia iiṙikyia lyanyu-pfo; indi lukyeri watarami wa sia yanyu; kyipfa kui iiṙikyia lyanyu mugoṟokyi.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

Wafilyipi 3:15

icho akyeri kye kui rina lyakye wuawu woose wo ruwewu na wo wuyanenyi wuisendo.

Filemon 1:16

Wookyia wulalu, chi cha mtumo-pfo, indi ngoseṟa ya mtumo, mono-wama mkunde; koko inyi mnu, na kopfo iyoe ngoseṟa mnu, mmbiunyi na kyiiṙi kya Mndumii.

Yakobo 3:1

Wana wa wama wako, mulawe walosha wafoi, muichi kye soe walosha lochiambilyia ianduyo lying'anyi kuta.

1 Petiro 5:3

Maa chi cha wandu waikugaluo wandumii shikaṟonyi shawo-pfo, indi kui iloṟa mkaṟo mcha ko poo-lyo.

Ulogo 1:9

Inyi Yohane, mono-wama onyu ekyelya wukyiwa hamwi na nyoe, na Wumangyi na iweṙelyia Yesu Kristo, ngyiwekyeri kyiṟingyitinyi kyekyelago Patimo, kyipfa ngyilekongaonguo Ṙeṙo lya Ruwa na wuṟingyishi wuleloṟo nyi Yesu.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.

Ulogo 22:9

Na oe kangyiwia, “Ulawute kuṙi. Inyi nyi mongari opfo, na o wana wa wama wapfo, na o walya wekyeosha mbonyi tsa kyitapu-kyi. Terewa na iindia Ruwa.”