Matayo 23:34 - Kivunjo New Testament 1999

³⁴ Kyipfa kya ikyo, inyi ngyiṙuma konyu weonguo shisuku na wawoṙe wuṟango na walosha wa mawawaso na wengyi kyiiṙi kyawo mochiwawaaga na iwakapia msalabenyi, wengyi kyiiṙi kyawo mochiwakapa wakyeri masinagoginyi ganyu na iwafuna mṟi kui mṟi.

Matayo 23:34 ပူးပေါင်းရင်းမြစ်များ

Matayo 10:23

Kyaindi ilyi wechimfuna mṟinyi umwi, ṙichilyienyi mṟinyi ungyi. Cha kyipfa nyi loi ngammbia mochimarisa ionguo mbonyi mṟinyi ya Isiraelyi Mono-Adamu alacha-pfo.

Matayo 13:52

Kawawia, “Kyipfa kya ikyo, orio mlosha o mawawaso awoṙe wuṟango wo malosho ga Wumangyi wo ruwewu nafananyi na monyi kanyi ekyewuta kyindonyi kyakye kya woguru wung'anyi shindo shihya na sha kacha.”

Matayo 23:31

Kuṙi muikuṟingyishia muwenyi, kye nyoe nyi wana wa walya walewaaga weonguo shisuku.

Luka 24:47

Na kye masanga goose geongoyo mbonyi ngyicha kui rina lyakye, mbonyi tsa iṙumbuya wunyamaṟi na ihooṟio gyuunyamaṟi, iwookyia Yerusalemu.

Yohane 16:2

Wechimuletsana na walya wekyeyenda masinagoginyi; yee loi kyiyeri kyiicha orio mndu aimbaaga echikusaṟa kye naiindia Ruwa kui iwuta kuṙo.

Yohane 20:21

Yesu kawawia-se “Ufoṟo lukae konyu. Chandu Awu alengyiṙuma inyi, na inyi ngyimṙuma nyoe.”

Mawuto Ga Wasu 1:8

Kyaindi mochiambilyia pfinya, Mumuyo Mweele kamcha na konyu, na nyoe mochingyiṟingyishia Yerusalemu, na urukyenyi loose lo Wayuda, na Samaria, mṟasa matsitsionyi ga uruka.”

Mawuto Ga Wasu 11:27

Mfiri iya iya weonguo shisuku walewuka Yerusalemu wakasoka na Antiokyia.

Mawuto Ga Wasu 12:2

Kawaaga Yakobo, mono-wama o Yohane na ushu.

Mawuto Ga Wasu 13:1

Na kulya siṟinyi ya Antiokyia kuwewoṙe weonguo shisuku na walosha, nawo nyi Barinaba, na Simion ekyelago Nikyeri, na Lukyio awukyie Kyirene, na Manaeni aweongyie wee lyimwi na Mangyi Herode, na Saulyi.

Mawuto Ga Wasu 14:19

Kyaindi Wayuda wakacha wawuka Antiokyia na Ikonio, wakawanzia wuingyi wo wandu wawesanzie halya wakakapa Paulo na magoe, wakamkuruya nja ya mṟi, wakusaṟie kye ampfa.

Mawuto Ga Wasu 15:32

Lyingyi-se Yuda na Sila, cha kyipfa wo nyi weonguo shisuku, wakaongoya walya waweiṙikyie Yesu shindo shifoi shewakarisha.

Mawuto Ga Wasu 5:40

Wakaiṙikyia kyilya Kamalyielyi alegamba. Nawo kyiyeri walelaga wasu walya, wakawakapa, wakawawia walaloshe kui rina lya Yesu; na numa ya iho wakawalekyia.

1 Wakorinto 2:6

Kyaindi kuwoṙe wuṟango luwuonguoe ko walya wapfulukyie kyimrima; indi chi wuṟango wo wuyana-wu-pfo, maa wo iwo waichilyia wuyana-wu, wekyeilachika-pfo.

1 Wakorinto 3:10

Iṙuana na isaṟia lya Ruwa ngyileenengo, inyi cha msongoru o wewika numba wawoṙe wuṟango, ngyilewika urende, na mndu ungyi naiwika numba wuye ya urende-lo. Kyaindi orio mndu naambuye chandu aiwika numba wuye ya urende-lo.

Wakolosai 1:28

Icho luionguo mbonyi tsakye, lochiikyimbia orio mndu, na ilosha orio mndu wuṟangonyi woose, luiṙime iende orio mndu aafutsie iiṙikyia kyiiṙi kya Kristo.

1 Watesalonikye 2:16

Kunu wechilushingyia lulaṙeṙe na wandu walaiṙikyie Yesu waiṙime ikyiṟo; kundu waafutsie ngyuunyamaṟi tsawo mfiri yoose. Kyaindi Ruwa naiwaanduya kui nyashi.

Waebrania 11:37

Walekapo na magoe, wakamanyo kui msemeno, waleyesho, walewoogo kui ushu; waletenga-tenga waṟee njonyi tsa moondo na tsa mburu. Waweuṟie shindo shifoi, wechilyiso wukyiwa, wechiwutio shindo shiwicho;

Ulogo 11:10

Na walya wekyekaa urukyenyi waichihiyo kyipfa kyawo na ikapa ngulyilyi na ngoru. Nawo wechiṙikyiana shindo shicha wo wenyi ko wenyi, cha kyipfa weonguo shisuku-wo wawi waleenenga ilya wukyiwa walya wekyekaa urukyenyi.