Matayo 23:14 - Kivunjo New Testament 1999

¹⁴ “Ochia lonyu walosha wa mawawaso na Mafarisayo, wakulembecheṟi! Cha kyipfa mokyesoka wakusu orio kyindo wawoṙe, na kui wukulembecheṟi mokyewika shiterewo shileshi; kyipfa kya ikyo mochiambilyia ianduyo lying'anyi ngoseṟa.]

Matayo 23:14 ပူးပေါင်းရင်းမြစ်များ

Matayo 11:24

Kyaindi ngammbia, kyechiwa kyaangu ko uruka lo Sodoma ikarishia ngapo yalo mfiri o ianduyo kuta iyoe.”

Matayo 23:13

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyeshingyia wandu moongo o Wumangyi wo ruwewu; nyoe muwenyi mulaiṙe napfo, maa walya waiiṙa mulawalekyie waiṙe napfo. [

Matayo 23:33

Nyoe njoka, wana wa manjoka, moṙicha kuṙa ngapo ya ngyehena?

Mariko 12:40

Wekyesoka wakusu shindo shawo, na kui wukulembecheṟi iterewa shiterewo shileshi. Iwa wechiwona ianduyo lying'anyi.”

Luka 12:48

Na ulya alaichi na oe nawuta kyiwaṟi ikapo, nekapo kyitutu. Na orio mndu aleenengo shifoi, icho neweso shifoi, na ulya alekoomio shindo shifoi, kokye werika na ngoseṟa.”

Luka 20:47

Wekyesoka waka wakusu masaa gawo, na kui wukulembecheṟi wekyeterewa shiterewo shileshi. Iwo wewona ianduyo lying'anyi.”

2 Timoteo 3:6

Cha kyipfa kyiiṙi kya iwo kuwoṙe walya wekyekuwika numbenyi tsa wandu, na iwaṙa pfo waka wai matondo wawoṙe maṟio ga wunyamaṟi, waleṙoo nyi lango tsa orio mbaṟe;

Tito 1:10

Cha kyipfa kuwoṙe wandu wafoi walawoṙe wuindi, wawoṙe mbonyi tsa wutondo, walembi, na ngoseṟa Wayuda waiṙikyie Yesu.

Yakobo 3:1

Wana wa wama wako, mulawe walosha wafoi, muichi kye soe walosha lochiambilyia ianduyo lying'anyi kuta.

2 Petiro 2:14

Wawoṙe meso gaichuo wuṟui, wandu walekyeṙa iwuta wunyamaṟi, wekyelemba mrima ilangyikarishe, wawoṙe mrima ingyiichiwiṟe ilanga, wana wa seso.

2 Petiro 2:3

Kui lango tsawo ngyiwicho wechiwona kyiira kyipfa kya imuongoya mbonyi tsa wongo. Wookyia kacha Ruwa alemuwaanduya na iṙumbuo kya inyamaṟo lyawo. Ruwa ekyelaa-pfo, nechiwaanduya chandu agambie.