Matayo 23:13 - Kivunjo New Testament 1999

¹³ “Ochia lonyu walosha wa mawawaso na Mafarisayo, wakulembecheṟi! Cha kyipfa mokyeshingyia wandu moongo o Wumangyi wo ruwewu; nyoe muwenyi mulaiṙe napfo, maa walya waiiṙa mulawalekyie waiṙe napfo. [

Matayo 23:13 ပူးပေါင်းရင်းမြစ်များ

Matayo 23:16

“Ochia lonyu wasongoru mui shipfupfuṟe. Nyoe mokyegamba, ‘Mndu echilya nyamu kui hekalu chi kyindo-pfo, indi mndu kalya nyamu kui shindo sha sahapu shikyeri hekalunyi, kyimmbaṟi iwuta shilya ateṟia.’

Matayo 23:23

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyetaa orio kyifunjoe kya ikumi kya maṟa gelotsiṟa kyelya, kyaindi mukoṙa mbonyi tsing'anyi tsa mawawaso, cha iṙumbuo moondu kulawoṙe ikundia, na isaṟia, na iiṙikyia. Isho muwaṟi ishiwuta, maa shilya shingyi mulashiṙe.

Matayo 23:25

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyesanja kyiṙoo na kyitela ipfo kyanja kyaindi shindo muwikyie pfo nyi sha wusokyi na ikukunda nyoe muwenyi.

Matayo 23:27

“Ochia lonyu, walosha wa mawawaso na Mafarisayo, wakulembecheṟi! Cha kyipfa mufananyi na shilome shishishie kyindo kya uwiṟo, nasho kya ipfo nja shekyewoneka shii shicha, kyaindi ipfo kyanumba shiichuo mafuo ga wapfu; na orio kyindo kyiporu.

Matayo 23:29

“Ochia lonyu, walosha wa mawawaso na Mafarisayo, wakulembecheṟi! Cha kyipfa mokyewika shilome shicha sheṟika weonguo shisuku na waṟundi wengyi wasumganyi wa Ruwa na shilome-sho mkoshichopa mnu,

Matayo 3:7

Na lyilya alewona wafoi kyiiṙi kya Mafarisayo na Masadukayo wechicha na wupatisonyi wokye, nalewawia, “Nyoe maalea ga njoka, nyi wui alemwikyimbia nyoe iṙicha nyashi-yo iicha?

Luka 11:52

Ochia lonyu, nyoe walosha wa mawawaso, kyipfa muleṟika upfunguo lo halya-ndu wandu weiṙima iwona wuṟango nyoe muwenyi mulaiṙe napfo, na walya waweiṙa mukowashingyia.”

Yohane 9:22

Wafee wakye walegamba kuṙo kui iowuo Wayuda; cha kyipfa Wayuda walekowaiṙikyiana kye mndu echigamba kye nyi Kristo, nechiimo momu o yenda sinagoginyi.

Yohane 9:24

Kyasia lya kawi Mafarisayo wakalaga mndu ulya awei kyipfupfuṟe, wakammbia, “Enenga Ruwa kyiṟumi. Soe luichi kye mndu-chu nyi mnyamaṟi.”

Yohane 9:34

Wakagaluo, wakammbia, “Iyoe nulefeeyo wunyamaṟinyi nakamwi, na iyoe nuilulosha soe?” Kui nyashi wakamtsindikyia nja ya sinagogi.

Mawuto Ga Wasu 13:8

Kyaindi Elyima, msawi ulya (kyipfa ikyo ny'kyo rina lyakye lyagamba), kagaluana nawo, akundi ilemba mchilyi ulya naṙe iiṙikyia Yesu.

Mawuto Ga Wasu 5:28

“Ngamba lulemuima ilosha kui rina-lyi lya Yesu? Kyaindi nyoe moichuṟa mṟi oose o Yerusalemu na malosho ganyu, na mukundi luwio kye nyi soe lulembaaga.”

Mawuto Ga Wasu 5:40

Wakaiṙikyia kyilya Kamalyielyi alegamba. Nawo kyiyeri walelaga wasu walya, wakawakapa, wakawawia walaloshe kui rina lya Yesu; na numa ya iho wakawalekyia.

Mawuto Ga Wasu 8:1

Mfiri ulya kukowaṙa wukyiwa wung'anyi kulya siṟinyi ya Yerusalemu. Wandu woose wa siṟi wakanyanyaṟika urukyenyi lo Uyuda na Samaria, kyaindi wasu walenyanyaṟika-pfo.

2 Timoteo 3:8

Na chandu Yane na Yambre walewingana na Mose, na wuṙo na iwa waiwingana na wuloi wo Ndumi Ngyicha. Nyi wandu wanyamaṟikyie mṙoe yawo, wawalege kyipfa kya iuṟa iiṙikyia.

2 Timoteo 4:15

Na iyoe ukushowe na oe, cha kyipfa nalelega mnu maṙeṙo gaṙu.