Matayo 23:11 - Kivunjo New Testament 1999

¹¹ Na oe ai ang'anyi onyu nechiwa mṟundi onyu.

Matayo 23:11 ပူးပေါင်းရင်းမြစ်များ

Matayo 23:10

Maa mulalago wasongoru; kyipfa msongoru onyu nyi umwi, na oe nyi oe Kristo.

Mariko 9:35

Kaṙamia wanda, kalaga walya ikumi na wawi, kawawia, “Mndu akundi iwa o kuwooka nechiwa o mafurumionyi kuta woose, na mṟundi o woose.”

1 Wakorinto 9:19

Kyipfa, maa chandu ngyilakyeri mtumo o mndu oose, ngyekyekugaluo cha ilyi ngyikyeri mtumo o wandu woose, kundu ngyigalutsie ura lo Yesu wandu wafoi ngoseṟa.

2 Wakorinto 11:23

Wo nyi waṟundi wa Kristo? (Ngyiṙeṙa cha msuko), inyi nyi ngoseṟa. Wukyiwenyi nyi ngoseṟa mnu; shipfungonyi nyi ngoseṟa mnu; kyiiṙi kya ikapo nyi ngoseṟa na kuta; kyiiṙi kya ikyia upfu kyiyeri kyileshi.

2 Wakorinto 4:5

Cha kyipfa lukuongoya mbonyi luwenyi-pfo, indi Kristo Yesu kye nyi Mndumii; na soe luwenyi kye lukyeri waṟundi wanyu kyipfa kya Yesu.

Wagalatia 5:13

Kyipfa nyoe, wana wa wama, mulelago muwe wandu mulawachilyie nyi kyindo. Kyaindi kulya iwa wandu walawachilyie nyi kyindo kulawe kyimaṙuma kyeosha lango tsa mmbiu, indi ṟundianenyi kui ikunda.