Matayo 22:30 - Kivunjo New Testament 1999

³⁰ Cha kyipfa walya wekyeṟuka ko wapfu wekyealyika maa ialyiko-pfo, kyaindi wekyewa cha malaika wa ruwewu.

Matayo 22:30 ပူးပေါင်းရင်းမြစ်များ

Matayo 13:43

Nyilyo wasumganyi wechiaka-aka cha mnengyeṟi Wumangyinyi wo Awu-yawo. Awoṙe maṙwi, naaṙanyie.”

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 22:31

Lyingyi-se ko mbonyi tsa iṟuka lya wapfu, muichi kyindo kyilya kyileṙeṙo nyi Ruwa, echigamba,

Matayo 24:38

Cha kyipfa chandu kyiwekyeri mfiri iya ilesongoya Mfu wandu waweilya na inyo, wechialyika na ialyiko, mṟasa mfiri ulya Noe aleiṙa na safinenyi

Luka 17:27

Waweilya na inyo, waweialyika na ialyiko, mṟasa mfiri ulya Noe aleiṙa na Safinenyi, ngapo ikacha ikawarumatsa woose.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.