Matayo 22:16 - Kivunjo New Testament 1999

¹⁶ Wakaṙuma kokye wanalosho wawo hamwi na Maherodi, wakagamba, “Mlosha, luichi kye iyoe nyi mndu o loi, na njia ya Ruwa nokyeilosha kui wuloi, maa okyesaṟa rina lya mndu oose-pfo, cha kyipfa okyeambuya fana tsa wandu-pfo.

Matayo 22:16 ပူးပေါင်းရင်းမြစ်များ

Matayo 22:24

wechigamba, “Mlosha, Mose nalegamba, ‘Mndu kapfa, alawoṙe wana, mono-wamae naalyikye mka ulya okye, kundu mono-wamae nawone mana.’

Matayo 22:26

Na wuṙo o kawi na oe, na o kaṟaaṟu, mṟasa woose mfungaaṙe.

Matayo 26:18

Kagamba, “Yendenyi mṟinyi ko mndu mlyiwe, mundemmbia, ‘Mlosha nagamba, kyiyeri kyako kyikyisaangye kyikyeri kufuhi; kopfo ngyechiachikyia Pasaka hamwi na wanalosho wako.’ ”

Matayo 26:49

Cha ilyi kayenda ko Yesu, kagamba, “Ngakuiṟikyiṟa, Mlosha.” Kamkomba.

Mariko 10:17

Na lyilya awefuma iyenda njienyi, mndu umwi kacha eṙicha, kampfiria ndi, kammbesa, “Mlosha mcha, ngyiwute kyi ngyiiṙime ioṟa moo o mlungana?”

Mariko 12:13

Wakaṙuma kokye Mafarisayo waata na Maherodi, kundu wamṙege kui maṙeṙo.

Mariko 12:14

Na kyiyeri waleafukyia walemmbia, “Mlosha, luichi kye iyoe nyi mndu o loi, maa okyesaṟa kyiṟumi kya mndu-pfo; cha kyipfa okyeambuya fana tsa wandu-pfo kyaindi kyiiṙi kya wuloi nokyelosha njia ya Ruwa. Ngyesa nyi sungusinyi ienenga Kaisari kodi ang'u ote?

Mariko 3:6

Cha ilyi Mafarisayo walya wakayenda, wakachila mbonyi tsakye hamwi na Maherodi, chandu wechimrumatsa.

Mariko 8:15

Kawaikyimbia, kagamba, “Kushowenyi na chachu ya Mafarisayo na chachu ya Herode.”

Luka 20:21

Wakammbesa, wechigamba, “Mlosha, luichi kye nuiṙeṙa na ilosha gakyeri ga wusumganyi, maa okyesaṟa wung'anyi wo mndu-pfo, indi nuilosha njia ya Ruwa kui wuloi.

Luka 7:40

Yesu kagaluo, kammbia, “Simion, ngiwoṙe kyindo ngikundi ikuwia.” Kagamba, “Mlosha, gamba.”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Yohane 7:18

Ulya aṙeṙa kui wuchilyi wokye amonyi tupu nekyepfula kyiṟumi kyakye amonyi; indi ulya apfula kyiṟumi kya ulya alemṙuma, icho nyi o loi, maa mrimenyi kokye kuwoṙe wunyamaṟi-pfo.

2 Wakorinto 2:17

Cha kyipfa soe chi kyimwi na wandu wafoi wekyekapa mbucha na ulogo lo Ruwa-pfo. Soe luonguo ulogo lo Ruwa kui wuwaṙami wo mrima cha wandu waleṙumo nyi Ruwa, luwalungye na Kristo.

2 Wakorinto 4:2

Kyaindi lulelega mbonyi tsa sonu tsikuṟiikyie, maa luichumia kui mtambo-pfo, maa isanza-sanza Ṙeṙo lya Ruwa na wongo, indi kui iṟingyishia loi lukuloṟa kye luwoṙe wusumganyi, kyilya mrima ya wandu iwonyi kye kyikyicha kyeluṟingyishia mbele ya Ruwa.

2 Wakorinto 5:16

Na kyawa soe wookyia wulalu luichi mndu oose kui mbaṟe ya mmbiu-pfo. Maa chandu soe lulemanya Kristo kui mbaṟe ya mmbiu, kyaindi wulalu lumwichi-se kuṙo-pfo.

Wagalatia 1:10

Kyipfa wulalu ngyesa ngyikundi ikundo nyi wandu? Ote! Kyindo ngyikundi nyi ikundo nyi Ruwa. Kyipfa kokooya ngyiwekundi mṟasa wulalu ichihiṟa wandu, ngyiwechiwa mṟundi o Kristo-pfo.

Wagalatia 2:6

Kyaindi walya wawoṙe kyiṟumi na kye wawoṙe rina (ngyilesaṟa wawei kuṙa-pfo kyipfa koko shilyingananyi shoose; na Ruwa ekyeambuya kyaam kya mndu-pfo); ngagamba iwo wawoṙe kyiṟumi walengyiengyeṟia kyindo-pfo.

1 Watesalonikye 2:4

indi chandu luleenengo momu o ionguo Ndumi Ngyicha, nyi wuṙo luonguo. Chi cha wandu waichihiṟa wandu-pfo, indi waichihiṟa Ruwa ekyeluyeṟa mrimenyi koṙu.

Yakobo 3:17

Kyaindi wuṟango wuwukyie wuye, kya kuwooka wuwucha, ngoseṟa nyi wo ufoṟo, nyi wo wuhoo, wukuṟeyeṟie iaṙanyia maṙeṙo ga wandu, wuichuo isaṟia na ndunda ngyicha, wuwoṙe wuṟiingyi maa wuwoṙe wukulembecheṟi-pfo.

1 Yohane 5:20

Na soe luichi kye Mono-Ruwa amcha, na oe naluenengyie wuṟango kye lumanye Ruwa o loi, na soe lokyekaa ko Ruwa ulya akyeri o loi. Kyimwi na igamba ko Mono-kye Yesu Kristo. Ichu nyi oe Ruwa o loi, na ichu nyi moo o mlungana.