Matayo 22:13 - Kivunjo New Testament 1999

¹³ Mangyi kawia waṟundi, ‘Mpfungyenyi mawoko na maṙende, mṙuonyi mundemmbiyitsa meemenyi o nja. Nyipfo kochiwaṙa ṟanyi na ilya ngakuru.

Matayo 22:13 ပူးပေါင်းရင်းမြစ်များ

Matayo 12:29

Ang'u mndu neiṙima kuṙa iiṙa na numbenyi ya mndu awoṙe pfinya na imsoka shindo shakye, alapfunga kuwooka icho awoṙe pfinya? Nyi lyo-ng'u echiiṙima iwaṙa numba-yo ko pfinya.

Matayo 13:30

Ṙenyi shoose shing'ane mṟasa kyiyeri kyesambuo. Na kyiyeri kyesambuo ngyechiwia iwo waisambuo, sanienyi makacha kuwooka, mugapfungye shikonde shikonde mugakoṟe; kyaindi nganu isanienyi kyikumbinyi kyako.’ ”

Matayo 13:42

na iwawiyitsa moṙonyi ung'anyi. Nyi pfo-ndu kochiwaṙa wukyiwa na ilya ngakuru.

Matayo 13:50

na iwawiyitsa moṙonyi ung'anyi. Nyi pfo-ndu kochiwaṙa wukyiwa na ilya ngakuru.”

Matayo 24:51

nechimṙumbuo mateng'eta gawi na immbutia chandu wakulembecheṟi wekyewutio. Nyi lyo-ndu kochiwaṙa wukyiwa na ilya ngakuru.”

Matayo 25:30

Na mṟundi-cho alawoṙe kyiira, mmbiyitsenyi kuleshi meemenyi o nja. Nyi pfo-ndu kochiwaṙa wukyiwa na ilya ngakuru.’ ”

Matayo 8:12

kyaindi wana wa Wumangyi wechiwiyitso meemenyi o nja. Nyipfo kochiwaṙa ṟanyi na ilya ngakuru.”

Luka 13:28

Nyi lyo-ndu kochiwaṙa kyifiiṟo na ilya ngakuru, kyiyeri mochiwona Abrahamu, Isakyi na Yakobo na weonguo shisuku woose Wumangyinyi wo Ruwa, na nyoe muwenyi muwawiyitse nja.

Yohane 21:18

Kagamba, “Ny'kyaloi, kakuwia, kyiyeri uwekyeri manakye, muwekyekuṟeyeṟa na iyenda kundu koose ukundi; kyaindi kyiyeri ochikuo, nochigoṟuo mawoko gapfo, na mndu ungyi nechikuwutia kyilya akunda na ikuṙuo kundu ulakundi.”

Mawuto Ga Wasu 21:11

Kyiyeri aleshika halya-ndu luwekyeri kaira mkanda o Paulo, kapfunga nacho maṙende na mawoko gakye, kagamba “Mumuyo Mweele nagamba kuṙi, ‘Nyi wuṙo Wayuda wa Yerusalemu wechipfunga monyi o mkanda-chu, nawo wechimṙambika ko wandu walaiṙikyie Yesu.’ ”

Mawuto Ga Wasu 7:54

Kyasia kyiyeri wandu wawei halya mengyenyi waleicho shilya Stefano alegamba, wakawoṙo nyi nyashi mrimenyi, wakasuo mnu kyipfa kyakye.

2 Watesalonikye 1:9

Wechianduyo kui irumatso lya mlungana, iwiko kuleshi na kyaam kya Mndumii na mng'ano o pfinya tsakye.

2 Petiro 2:17

Iwa nyi kyimwi na shoka tsilawoṙe mṟinga na mapuchi gaiṙoo nyi kyiwiṟi. Ruwa nawaṟeyeṟie handu mlungana meemenyi ung'anyi.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

Yuda 1:13

Nyi shiwiṟi sha ipalyipalyinyi shilekyewa ishingyia, mawuto gawo ga sonu gakyeri cha iwia lyifanyi lya ipalyipalyi lyifoikyie. Nyi nyenyeri tsikyama-kyama, walya Ruwa awaṟeyeṟie handu mlungana meemenyi ung'anyi.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 21:27

Na ipfo mṟinyi kochiwaṙa kyindo kyoose kyifafa-pfo, maa ulya ekyewuta shindo sha sonu ang'u iṙeṙa wongo-pfo, indi walya wawaṟeie kyitapunyi kya moo kya Kyiondo kya Ruwa.