Matayo 21:19 - Kivunjo New Testament 1999

¹⁹ Kawona mfumu umwi mbai ya njia, kayenda halya-ndu uwekyeri, alawone pfo kyindo sile maṟa tupu. Kauwia, “Kulawonekye ndunda kopfo wookyia inu mṟasa mlungana.” Mfumu ukouma cha ilyi.

Matayo 21:19 ပူးပေါင်းရင်းမြစ်များ

Matayo 21:20

Kyiyeri wanalosho walewona, waleṟiyio, wechigamba, “Nyi wuṙa mfumu ouma cha ilyi?”

Mariko 11:14

Kagaluo kauwia, “Wookyia inu mṟasa mlungana mndu alalye ndunda kopfo.” Wanalosho wakye wakaicho.

Mariko 11:20

Na ngamenyi kyiyeri waweiṙa, walewona mfumu ulya uumie nakamwi.

Luka 3:9

Na wulalu kuṙi soka lyilyiwikyie matsindenyi ga mashiṙi. Kyasia orio ikyiṙi lyilaikumbia ndunda ngyicha lyechimanyo na iwiyitso moṙonyi.”

Yohane 15:2

Orio mbaga ilekyekumbia ndunda ngyekyeimanya; na orio mbaga yekyekumbia ndunda ngyekyeianguo, kundu iengyeṟe ikumbia ndunda.

Yohane 15:6

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

2 Timoteo 3:5

Wawoṙe mbaṟe ya iowuo na ikunda Ruwa, kyaindi wechikana pfinya tsakye. Iwo taa ukushowe nawo.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Yuda 1:12

Wandu-wa nyi wandu wa ngataṟa, wekyefanyiṟa shelya shanyu mokyelya kyiyeri mosanzia handu hamwi, wechilya kulawoṙe wuowu. Nyi mapuchi galawoṙe mṟinga, gekyeṙoo nyi mkuma. Nyi mashiṙi galawoṙe maṟa, galawoṙe ndunda, gapfiie kawi, na gamakuluo piu.

Ulogo 22:11

Molya mbaka naengyeṟe ilya mbaka; na mowuta mando gafanyi naengyeṟe iwuta kuṙo. Na msumganyi naengyeṟe iwuta sha wusumganyi; na mweele naengyeṟe iilyisho.”