Matayo 21:11 - Kivunjo New Testament 1999

¹¹ Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Matayo 21:11 ပူးပေါင်းရင်းမြစ်များ

Matayo 2:23

Kakaa mṟinyi uwekyelago Nasareti; kundu kyiafukyie kyindo kyileṙeṙo nyi weonguo shisuku: “Nechilago Mnasorayo.”

Matayo 21:10

Na lyilya aleiṙa na Yerusalemu, mṟi oose ukowaṙa ndiṟimo tsing'anyi, wandu wechigamba, “Nyi wui ichu?”

Matayo 21:26

Na lukogamba, ‘Wulewuka ko wandu,’ luiowuo kyisanzionyi; kyipfa wandu woose wawonyi Yohane nyi moonguo shisuku.”

Matayo 21:46

Nawo kyiyeri walepfula immbaṙa, waleowuo wuingyi wo wandu, cha kyipfa wo walemmbona nai moonguo shisuku.

Mariko 6:15

Wengyi walegamba, “Nyi Elyia.” Wengyi walegamba, “Ichu nyi moonguo shisuku, ang'u nyi cha umwi o weonguo shisuku.”

Luka 13:33

Hamwi na isho, ngama na kyilalau, kyangyikooya iengyeṟa iwa mokyaro. Kyipfa chi kyicha moonguo shisuku nawoogo ai nja ya Yerusalemu-pfo.

Luka 24:19

Kawawesa, “Mbonyi tsiha?” Wakammbia, “Mbonyi tsa Yesu o Nasareti, awekyeri moonguo shisuku awewoṙe wuiṙimi kyiiṙi kya iwuta na iṙeṙa mbele ya Ruwa na wandu woose.

Luka 7:16

Wuowu wukowawaṙa woose, wakaṟumisha Ruwa, wechigamba, “Moonguo shisuku ang'anyi nacha na koṙu, na Ruwa naambuya wandu wakye.”

Luka 7:39

Kyasia, Mfarisayo ulya alemlaga ammbone kuṙo, nalegamba mrimenyi kokye, mndu-chu kokooya awei moonguo shisuku, naweimanya mndu mka-chu aimpaaya nyi wui, na oe nyi o mbaṟe iha, kye nyi mnyamaṟi.

Yohane 1:21

Nawo wakammbesa, “Nyi wui-ng'u? Iyoe nyi Elyiya?” Kagamba, “Inyi chi oe-pfo.” “Iyoe nyi moonguo shisuku ulya?” Kagaluo, “Ote.”

Yohane 1:25

Wakammbesa, wakammbia, “Ny'kyilyi-ng'u uipatisa kokooya iyoe chi Kristo, maa Elyiya, maa moonguo shisuku ulya-pfo?”

Yohane 4:19

Mndu mka ulya kammbia, “Mndumii, ngyiwonyi kye nui moonguo shisuku!

Yohane 6:14

Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”

Yohane 7:40

Kyasia wandu wengyi kyiiṙi kya walya wawesanzie halya kyiyeri waleicho mbonyi-tso, walegamba, “Loi, ichu nyi oe moonguo shisuku ulya.”

Yohane 9:17

Kyasia lya kawi wakawia ulya awei kyipfupfuṟe, “Mbonyi tsiha uigamba tsa ichu akuenenga wuiṙimi wo iwona?” Kagamba, “Nyi moonguo shisuku.”

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’