Matayo 20:8 - Kivunjo New Testament 1999

⁸ Kyiyeri kuleila, monyi ṙema ulya kawia mchilyi o waṙemi wakye, ‘Laga waṙemi, uwataae wori wowo, ochiwooka na o mafurumionyi mṟasa o kuwooka.’

Matayo 20:8 ပူးပေါင်းရင်းမြစ်များ

Matayo 20:7

Wakammbia, ‘Ny'kyipfa kuwoṙe mndu aluṟeie iṟunda-pfo.’ Kawawia, ‘Na nyoe yendenyi ṙemenyi lyako lya msabibu.’

Matayo 20:9

Na kyiyeri walecha walya wa saa kumi na imwi, waleambilyia orio mndu dinari.

Matayo 25:19

Mfiri ifoi yamuiṙe mndumii o waṟundi walya kacha, kaachikyia matala hamwi nawo.

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Luka 10:7

Kyasia, kaenyi ipfo numbenyi, mochilya na inyo sha kowo; kyipfa mṟundi nawaṟi ienengo wori wokye. Maa mulakyame-kyame iwuka numba imwi iyenda numba ingyi.

Luka 12:42

Mndumii kagamba, “Kyasia, nyi wui-ng'u akyeri mṟundi msimiri, amṟango, ulya mndumii okye echimmbika nasongoye maṟunda gakye goose, naenengye wandu shelya kui kyiyeri kyiwaṟi?

Luka 8:3

na Yoana, mka o Kusa, mṟundi mṟango o Herode, na Susana, na wengyi wafoi, wawemṟundia kui masaa gawo.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

Tito 1:7

Kyipfa kyiwaṟi askofu nawe nyi mndu alekyegambo kye nawoṙe wuwicho woose. Alawe mndu mokushela, cha kyipfa nyi mndu ekyeringa iṟunda lya Ruwa. Alawe mndu ekyepfula ichihiṟa mrima okye. Alawe mwanguhu ikapo nyi nyashi, alawe mnanzi ang'u mndu moluyana. Alawe mndu awoṙe wulanga wo sonu wo masaa ga sonu.

Waebrania 9:28

na wuṙo Kristo na oe, ammbuto iwa kyiṙaso lyimwi tupu na iṙuo ngyuunyamaṟi tsa wandu wafoi; nechicha-se lya kawi, kulawoṙe wunyamaṟi, ko walya waimmbeṙelyia nachewakyiṟa.

1 Petiro 4:10

orio umwi iṙuana na chandu aleambilyia kyisumbo, ṟundianenyi nakyo; cha waringyi wecha wa isaṟia lya mbaṟe tsifoi lya Ruwa.