Matayo 20:26 - Kivunjo New Testament 1999

²⁶ Kyaindi kyechiwa kuṙo konyu-pfo. Mndu oose akundi iwa ang'anyi konyu, na nawe mṟundi onyu;

Matayo 20:26 ပူးပေါင်းရင်းမြစ်များ

Matayo 20:27

na mndu oose akundi iwa o kuwooka konyu nawe kyisinga kyanyu.

Matayo 25:44

Naaho-ng'u na iwo taa wechigaluo, wechigamba, ‘Mndumii, nyi indi lulekuwona iyoe uwoṙo nyi njaa, ang'u umwangari, ang'u ukyeri muyenu, ang'u umkuuye, ang'u uluoe, ang'u ukyeri kyipfungonyi, lulakupfuṟukanie?’

Matayo 27:55

Hawewoṙe na waka wafoi halya wechiambuya wakyeri kuleshi. Iwo nyiwo waleosha Yesu iwuka Galyilaya, na imṟundia.

Mariko 10:43

Kyaindi kyechiwa kuṙo konyu-pfo; indi mndu akundi iwa ang'anyi konyu, nechiwa mṟundi onyu,

Mariko 10:45

Cha kyipfa Mono-Adamu alecha icheṟundio-pfo, indi iṟundia wengyi, na ireka moo okye uwe kyindo kyekyiṟa wengyi.”

Mariko 9:35

Kaṙamia wanda, kalaga walya ikumi na wawi, kawawia, “Mndu akundi iwa o kuwooka nechiwa o mafurumionyi kuta woose, na mṟundi o woose.”

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Luka 22:26

kyaindi konyu nyoe chi wuṙo-pfo, indi ang'anyi konyu nawe cha akyeri mtutu; na mochilyia nawe cha ulya aiṟundia wengyi.

Yohane 18:36

Yesu kagaluo, kagamba, “Wumangyi woko chi wo wuyana-wu-pfo. Kokooya Wumangyi woko wuwekyeri wo wuyana-wu, waṟundi wako wawechikapana kyipfa kyako, kundu wasongoru wa Wayuda walaiṙime ingyiwaṙa. Kyaindi Wumangyi woko chi wo iha-pfo.”

Mawuto Ga Wasu 13:5

Na kyiyeri wawekyeri Salami wakaonguo Ṙeṙo lya Ruwa masinagoginyi ga Wayuda, nawo wawekyeri na Yohane cha mṟundi owo.

2 Wakorinto 1:24

Chi kye luichilyia iiṙikyia lyanyu-pfo; indi lukyeri watarami wa sia yanyu; kyipfa kui iiṙikyia lyanyu mugoṟokyi.

2 Timoteo 1:18

Mndumii namwenengye iwona isaṟia mbele ya Mndumii mfiri ulya o ianduyo. Na chandu alengyiṟundia kulya Efeso, iyoe nuichi mnu.

Filemon 1:13

Inyi ngyiwekundi nakae koko, naiṙime ingyiṟundia handu hapfo kyiiṙi kya iwiko kyipfungonyi kyipfa kya ionguo Ndumi Ngyicha.

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

1 Petiro 5:3

Maa chi cha wandu waikugaluo wandumii shikaṟonyi shawo-pfo, indi kui iloṟa mkaṟo mcha ko poo-lyo.

Ulogo 17:6

Ngawona mndu mka ulya amnanze kui samu ya wandu wa Ruwa, na kui samu ya waṟingyishi wa Yesu. Na inyi kyiyeri ngyilemmbona ngaṟiyio mnu.