Matayo 20:22 - Kivunjo New Testament 1999

²² Yesu kagaluo, kagamba, “Muichi kyindo muiterewa-pfo. Ngyesa moiṙima iiṙia matuuro-ga gaingyiweṙa?” Wakammbia, “Loiṙima.”

Matayo 20:22 ပူးပေါင်းရင်းမြစ်များ

Matayo 26:35

Petiro kammbia, “Maa kokooya ngyechipfa na iyoe, ngyechikukana maa ale-pfo.” Na wanalosho woose wakagamba wuṙo.

Matayo 26:39

Kayenda mbele kyitutu, kaoloka na ndewu, katerewa, echigamba, “Awu-yoko, kyikaiṙimika, ṙombo-lyi lya matuuro lyiiṙe kuleshi na inyi. Kyaindi chi chandu ngyikundi inyi-pfo, indi nyi chandu ukundi iyoe.”

Matayo 26:42

Kayenda-se lya kawi, katerewa, echigamba, “Awu-yoko kokooya kyilechiiṙimika ṙombo-lyi lya matuuro lyiiṙe kuleshi na inyi, kyilya ukundi kyiwe kuṙo.”

Matayo 26:56

Kyaindi ishi shoose shawa, kundu shiṟeio sha weonguo shisuku shiwe chandu shigambie.” Naaho-ng'u wanalosho woose wakamṙa wakaṙicha.

Mariko 14:36

Kagamba, “Awu, Awu-yoko, shoose shekyeiṙimika kopfo. Ungyiwute matuuro-ga; kyaindi, chi chandu ngyikundi inyi-pfo, indi chandu ukundi iyoe.”

Luka 12:50

Kyaindi ngyiwoṙe wupatiso ngyiwaṟi ipatiso, na inyi ngyiwoṙo fowa ing'anyi mṟasa wupatiso-wo wuafutsio!

Luka 22:42

echigamba, “Hoi Awu, kokooya nyi wuṙo ukundi ungyiwute kyiṙoo-kyi. Indi chi chandu ngakunda inyi-pfo, kyaindi kyilya ukundi kyiwutikye.”

Yohane 18:11

Kyasia Yesu kawia Petiro, “Wiyiṟia ushu-lo ipfo kyiṟandenyi. Ngyesa, nokusaṟa ngyikundi ituurika chandu Awu angyiṟeyeṟie ngyituurikye-pfoe?”

Waroma 8:26

Na wuṙo Mumuyo na oe nekyelutarama wufofo woṙu, kyipfa luichi iterewa chandu kyiluwaṟi-pfo; indi Mumuyo amonyi nekyeluterewia kui isumkyia lyilechiiṙima isendo.

Yakobo 4:3

Muiterewa mulawone cha kyipfa muiterewa uwicho, kundu muṟunde nasho ko lango tsanyu.