Matayo 20:19 - Kivunjo New Testament 1999

¹⁹ Numa ya iho wechimṙuo ko masanga waiṙime imkapa makuukuu, na imkapa na ngowa, na imkapia msalabenyi; na mfiri o kaṟaaṟu neṟuka.”

Matayo 20:19 ပူးပေါင်းရင်းမြစ်များ

Matayo 12:40

Kyipfa chandu Yona awekyeri mfiri iṟaṟu kyingoto na kyio ndewunyi ya nyangumi, na wuṙo Mono-Adamu echikaa mfiri iṟaṟu kyingoto na kyio amṟikye terinyi.

Matayo 16:21

Wookyia kyiyeri-kyo Yesu nalewooka iwia na pata wanalosho wakye kye kyimmbaṟi iyenda Yerusalemu na iambilyia matuuro gafoi iwuka ko wameeku wa mengye, na wang'anyi wa makohanyi, na walosha wa mawawaso, na iwoogo, na mfiri o kaṟaaṟu iṟuka.

Matayo 17:23

Wakawoṙo nyi fowa mnu mrimenyi kowo.

Matayo 27:26

Naaho-ng'u kawapfunguya Baraba; na ammarise igamba Yesu nakapo na ngowa, kamṙambika ko ngyuulyimalyi tsakye wandemkapia msalabenyi.

Matayo 27:63

wakagamba, “Mndumii, lokumbuo kye ulya ekyeṙeṙa wongo nalegamba kyiyeri-kyo awei na moo, ‘Numa ya mfiri iṟaṟu nechiṟuka!’

Mariko 14:65

Wengyi wakawooka impuchia maṙa, wakamshikyia kyaam, na imkapa nzina, na immbia, “Lasha. Maa waṟundi nawo wakamkapa ngofi.”

Mariko 15:1

Na kyiyeri kulekya wang'anyi wa makohanyi walewaṙa kyisanzionyi hamwi na wasongoru wa wandu na walosha wa mawawaso na mengye yoose, wakapfunga Yesu, wakamṙuo mbele ya Pilato.

Mariko 15:15

Pilato akundi ichihiṟa walya wasanzie halya, kawapfunguya Baraba; kawuta Yesu, numa ya igamba nakapo na ngowa, kundu nakapio msalabenyi.

Luka 18:32

Cha kyipfa newiko mawokonyi ga wandu walaiṙikyie Ruwa. Wechimwinyala; wemtaluo, na impuchia maṙa.

Luka 23:11

Kyasia Herode kammina, hamwi na asikari wakye, kamtaluo, na imṟika nguwo ngyicha, numa kammbiyiṟa na ko Pilato.

Luka 24:46

Kawawia, “Nyi wuṟo kyiwekyiṟeie, kye Kristo nechituuro na iṟuka mfiri o kaṟaaṟu.

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 21:11

Kyiyeri aleshika halya-ndu luwekyeri kaira mkanda o Paulo, kapfunga nacho maṙende na mawoko gakye, kagamba “Mumuyo Mweele nagamba kuṙi, ‘Nyi wuṙo Wayuda wa Yerusalemu wechipfunga monyi o mkanda-chu, nawo wechimṙambika ko wandu walaiṙikyie Yesu.’ ”

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,