Matayo 2:16 - Kivunjo New Testament 1999

¹⁶ Naaho-ng'u Herode, ammbone kye ammbutio shindo sha ngyeṟo nyi wandu walya wawoṙe wuṟango wo mbonyi tsa nyenyeri naleicho nyashi mnu, kaṙuma wandu wakawaaga wana woose wa kyisoṟo wawekyeri kulya Betilehemu na ipfo mṟasenyi koose, wookyia wawoṙe maka iwi na wanda ya iho, ko kyiyeri kyoose alekyimanya ko wandu walya wawoṙe wuṟango wo mbonyi tsa nyenyeri.

Matayo 2:16 ပူးပေါင်းရင်းမြစ်များ

Matayo 2:1

Lyilya Yesu alefeo Betilehemu ya Uyuda, kacha kyiyeri kya mangyi Herode, wandu wawewoṙe wuṟango wo mbonyi tsa nyenyeri wa ura lo ngamenyi waleshika Yerusalemu, wechigamba,

Matayo 2:17

Naaho-ng'u kyileafukyia kyindo kyilegambo nyi moonguo shisuku Yeremia, echigamba,

Matayo 2:7

Numa Herode kalaga wandu walya wawoṙe wuṟango wo mbonyi tsa nyenyeri kawaṙa nawo kyisanzionyi kyiṟika kawawesa nyi indi nyenyeri-yo ilewoneka.

Ulogo 12:4

Na mshawa olyo ukuruo kyifunjoe kyimwi kyiiṙi kya shifunjoe shiṟaaṟu sha nyenyeri tsa ruwewu, na itsiolotsa urukyenyi. Na injoka lyilya lyikagoṟoka mbele ya mndu mka ulya awekuṟeyeṟie ifee, kundu ilyi efee, lyilye mana-cho okye.

Ulogo 17:6

Ngawona mndu mka ulya amnanze kui samu ya wandu wa Ruwa, na kui samu ya waṟingyishi wa Yesu. Na inyi kyiyeri ngyilemmbona ngaṟiyio mnu.