Matayo 2:13 - Kivunjo New Testament 1999

¹³ Na iwo wamuyende, malaika o Mndumii nalecha na ko Yosefu ndoṙonyi kagamba, “Yenda, uṙuo mana na wamae, uṙiche na Misiri, ukae pfo mṟasa ngyikuwie; kyipfa Herode nakundi ipfula mana namrumatse.”

Matayo 2:13 ပူးပေါင်းရင်းမြစ်များ

Matayo 1:20

Kyasia-ng'u kyiyeri awekusaṟa isho, malaika o Mndumii kamchia ndoṙonyi, echigamba, “Yosefu, mana o Dawidi, ulaowuoe iṙuo Maria mka opfo, kyipfa ikyo kyikyimooge kokye nyi kui wuiṙimi wo Mumuyo Mweele.

Matayo 10:23

Kyaindi ilyi wechimfuna mṟinyi umwi, ṙichilyienyi mṟinyi ungyi. Cha kyipfa nyi loi ngammbia mochimarisa ionguo mbonyi mṟinyi ya Isiraelyi Mono-Adamu alacha-pfo.

Matayo 2:12

Nawo wammbawaso nyi Ruwa ndoṙonyi walawiyilyie Herode, wakayenda urukyenyi kowo kui njia ingyi.

Matayo 2:14

Kayenda kaṙuo mana na wamae kyio, kayenda Misiri,

Matayo 2:16

Naaho-ng'u Herode, ammbone kye ammbutio shindo sha ngyeṟo nyi wandu walya wawoṙe wuṟango wo mbonyi tsa nyenyeri naleicho nyashi mnu, kaṙuma wandu wakawaaga wana woose wa kyisoṟo wawekyeri kulya Betilehemu na ipfo mṟasenyi koose, wookyia wawoṙe maka iwi na wanda ya iho, ko kyiyeri kyoose alekyimanya ko wandu walya wawoṙe wuṟango wo mbonyi tsa nyenyeri.

Matayo 2:22

Kyaindi amwicho kye Arikyelao nawoṙe wuchilyi ipfo Uyuda handu ha Herode awuye, naleowuo iyenda pfo; na oe ammbawaso ndoṙonyi kayenda ngyuura tsa Galyilaya.

Mawuto Ga Wasu 10:22

Wakagamba, “Mchilyi Korinelyio, mndu ulya msumganyi, aowuye na ikunda Ruwa, awoṙe kyiṟumi kyicha ko isanga lyoose lya Wayuda, nalewio nyi malaika mweele iṙuma wandu kopfo, wakuwie uyende kokye, kundu naicho kyilya okyelosha.”

Mawuto Ga Wasu 10:7

Na malaika ulya aleṙeṙa na oe amyende, Korinelyio kalaga waṟundi wawi kyiiṙi kya waṟundi wakye wa kanyi, na asikari umwi, mndu aowuye na ikunda Ruwa kyiiṙi kya walya wawekyemṟundia mfiri yoose;

Mawuto Ga Wasu 12:11

Na kyiyeri wuṟango wo Petiro wulemmbiyilyia, kagamba, “Wulalu ngyiichi na pata kye Mndumii naṙuma malaika okye na ingyiwuta wuchilyinyi wo Herode na matuuro galya Wayuda wawekusurie ingyienenga.”

Mawuto Ga Wasu 12:7

Cha ilyi malaika o Ruwa kagoṟoka kufuhi na oe, ngyeela ikalyimika kulya kyiṟinyi, kakapa Petiro uwarinyi, kamwamtsa, echigamba, “Amka iwinyi.” Mshe iya ikawuka kulya mawoko kokye.

Mawuto Ga Wasu 16:36

Mringyi ulya o numba iya yepfungyia wandu kawia Paulo mbonyi-tsi echigamba, “Weṙumbuo moondu waṙuma wandu kundu wampfunguo; kyasia wulalu fumienyi nja, muyende kui ufoṟo.”

Mawuto Ga Wasu 5:19

kyaindi malaika o Mndumii kyiyeri kya kyio kapfunguo moongo ya numba iya wawewapfungyie, kawawuta pfo, kagamba,

Mawuto Ga Wasu 7:19

Icho kawutia wandu waṙu shindo sha ngyeṟo, na iwutia waku waṙu shindo shiwicho, echiwawia wawiyitse wana wawo wanangu, kundu walakae wuyanenyi.

Ulogo 12:14

Mndu mka ulya kaenengo makungo gawi ga mbeṟo iya ing'anyi, kundu narundukye, nayende kundu ko nuka mṟasa handu hakye, iho-ndu ekyelelyio kui kyiyeri kya maka iṟaṟu na kyitumbuṟe kyimwi kya maka umgawe kawi, kuleshi na njoka-yo.

Ulogo 12:4

Na mshawa olyo ukuruo kyifunjoe kyimwi kyiiṙi kya shifunjoe shiṟaaṟu sha nyenyeri tsa ruwewu, na itsiolotsa urukyenyi. Na injoka lyilya lyikagoṟoka mbele ya mndu mka ulya awekuṟeyeṟie ifee, kundu ilyi efee, lyilye mana-cho okye.

Ulogo 12:6

Mndu mka ulya kaṙicha na kundu ko nuka, handu awoṙe handu haachikyie nyi Ruwa, kundu wamlelyie pfo kyiyeri kya mfiri kyiku na magana gawi na makumi gaṟandaaṟu.