Matayo 2:1 - Kivunjo New Testament 1999

¹ Lyilya Yesu alefeo Betilehemu ya Uyuda, kacha kyiyeri kya mangyi Herode, wandu wawewoṙe wuṟango wo mbonyi tsa nyenyeri wa ura lo ngamenyi waleshika Yerusalemu, wechigamba,

Matayo 2:1 ပူးပေါင်းရင်းမြစ်များ

Matayo 1:25

alakooyane na oe kyimmbiu maa lyimwi, mṟasa kyiyeri aleenengo mana okye; kamlaga Yesu.

Matayo 2:16

Naaho-ng'u Herode, ammbone kye ammbutio shindo sha ngyeṟo nyi wandu walya wawoṙe wuṟango wo mbonyi tsa nyenyeri naleicho nyashi mnu, kaṙuma wandu wakawaaga wana woose wa kyisoṟo wawekyeri kulya Betilehemu na ipfo mṟasenyi koose, wookyia wawoṙe maka iwi na wanda ya iho, ko kyiyeri kyoose alekyimanya ko wandu walya wawoṙe wuṟango wo mbonyi tsa nyenyeri.

Matayo 2:19

Kyaindi kyiyeri Herode alepfa, malaika o Mndumii nalecha na ko Yosefu ndoṙonyi ipfo Misiri,

Matayo 2:3

Kyasia mangyi Herode amuicho isho, nalewoṙo nyi fowa mrimenyi, na wandu wa Yerusalemu taa hamwi na oe.

Matayo 2:5

Nawo wakammbia, “Kyiiṙi kya Betilehemu ya Uyuda; kyipfa nyi wuṙo kyiwekyiṟeie nyi moonguo shisuku:

Matayo 2:7

Numa Herode kalaga wandu walya wawoṙe wuṟango wo mbonyi tsa nyenyeri kawaṙa nawo kyisanzionyi kyiṟika kawawesa nyi indi nyenyeri-yo ilewoneka.

Luka 1:5

Kacha kyiyeri kya Herode, mangyi o Wayuda, kuwewoṙe mkohanyi umwi, ekyelago Sakaria, o kamba lya Abiya, na mka okye nawei umwi o kyishari kya Aron, ekyelago Elyisapeti.

Luka 2:11

Kyipfa inu mṟinyi o Dawidi nafeo, kyipfa kyanyu, Mkyiṟa, nyi oe Kristo Mndumii.

Luka 2:15

Na lyilya malaika-wo walelekana nawo wechiyenda ruwewu, walyisi walya walewiana, “Luyende mṟasa Betilehemu lundewona kyindo-kyo Ruwa aleluwia.”

Yohane 7:42

Kyikyiṟeie kyiṟeionyi kyiele kye Kristo nechiwuka kyisharinyi kya Dawidi, na iwuka Betilehemu, mṟi ulya Dawidi awekyekaa?”