Matayo 19:8 - Kivunjo New Testament 1999

⁸ Kawawia, “Mose, kyipfa kya wuumu wo mrima yanyu, nalemuenenga momu o lekana na waka wanyu; kyaindi wookyia mawookyionyi kyiwekyeri kuṙo-pfo.

Matayo 19:8 ပူးပေါင်းရင်းမြစ်များ

Matayo 19:7

Wakammbia, “Kyasia nyi wuṙa-ng'u Mose alegamba kye mka-cho naenengo kyiṟeio kyeletsana wolyi, na imṙa?”

Matayo 19:9

Na inyi ngammbia nyoe, orio mndu echiṙa mka okye, sile nyi kyipfa kya wuṟui, kaalyika ungyi, naṟuguya. Na ulya aalyika ulya aṙio naṟuguya.”

Matayo 3:15

Yesu kagaluo kammbia, “Iṙikyia wulalu kuṙi; kyipfa nyi wuṙo kyiluwaṟi iafutsia wusumganyi woose.” Kyasia kamwiṙikyia.

Matayo 8:31

Waṟufui walya wawicho wakamterewa, wechigamba, “Koluwuta, luṙe luyende, lundeiṙa na kulya poonyi lya nguwe.”

Mariko 10:5

Yesu kawawia, “Kyipfa kya wuumu wo mrima yanyu nalemuenenga iwawaso-lyi.

Mariko 16:14

Numa ya iho kawono nyi walya ikumi na umwi kyiyeri waweilya. Kawaṙeṙia kyipfa kya iiṙikyia lyawo lyaangu na wuumu wo mrima yawo, cha kyipfa waleiṙikyia walya walemmbona kyiyeri aleṟuka ko wapfu-pfo.

1 Wakorinto 7:6

Kyaindi ngyigamba isho, iloṟa makusaṟo gako tikyi, na chi kui imuitika-pfo.