Matayo 19:29 - Kivunjo New Testament 1999

²⁹ Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Matayo 19:29 ပူးပေါင်းရင်းမြစ်များ

Matayo 10:22

Na nyoe wandu woose wechimsuo kyipfa kya rina lyako; kyaindi ulya echikarishia mṟasa mafurumionyi nyi oe echikyia.

Matayo 13:23

Na iya ingyiṙongye terinyi ngyicha, icho nyi oe ekyeicho ṙeṙo lyilya, na ilyimanya. Icho nyi oe ekyekumbia ndunda, ichu igana, na ichu makumi gaṟandaaṟu, na ichu makumi gaṟaaṟu.”

Matayo 13:8

Tsingyi tsikaoloka handu hawoṙe teri ngyicha, tsikakumbia, imwi igana, imwi makumi gaṟandaaṟu, imwi makumi gaṟaaṟu.

Matayo 16:25

Cha kyipfa mndu akundi ikyiṟa mrima okye, nechiuṙetsa; na mndu echiṙetsa mrima okye kyipfa kyako, nechiukyiṟa.

Matayo 19:16

Na mndu umwi kayenda kokye kammbia, “Mlosha, ngyiwute kyindo kyiha kyicha, kundu ngyiwone moo o mlungana?”

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 25:46

Na iwo wechiyenda na iiṙa na ngaponyi ya mlungana; indi wasumganyi wechiyenda moonyi o mlungana.”

Matayo 5:11

Wagusu nyoe ilyi wechimkapa kyipfa kya wusumganyi na impfulutsa nyashi na imuiria orio kyindo kyiwicho kui wongo, kyipfa kyako.

Matayo 6:33

Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio.

Luka 14:26

“Kokooya mndu acha na koko na oe asuuye awuye maa wamae, na mka okye, na wana wakye, na wana wa wamae wa kyisoṟo na wa kyika; yee maa mrima okye amonyi, echiiṙima iwa manalosho oko-pfo.

Luka 5:11

Na wammbikyie ngalawa tsawo mbai ya ipalyipalyi, wakaṙa shoose wakamwosha.

Luka 6:22

“Wagusu nyoe ilyi wandu wemsuo, na imshingyia nja, na imlahia, na inyamaṟa rina lyanyu, kyipfa kya Mono-Adamu.

Yohane 15:19

Kokooya nyoe muwei wandu wa wuyana, wawechimukunda; kyaindi kyipfa nyoe mulakyeri wandu wa wuyana, indi inyi ngyilemusambuṟa nyoe iwuka wandu wa wuyana, kyipfa kya ikyo wandu wa wuyana wamusuuye.

Yohane 4:36

Na ulya mosambuo nekyeambilyia wori, na isania shilyimu kyipfa kya moo o mlungana; kundu ulya ekyewaaya na ulya ekyesambuo waiṙime ichihiyo handu hamwi.

Mawuto Ga Wasu 9:16

Kyipfa ngyechimloṟa chandu echilyiso ngyuukyiwa tsifoi kyipfa kya iongoya wandu wengyi mbonyi tsako kundu wangyimanye.”

1 Wakorinto 2:9

Kyaindi, chandu kyikyiṟeie, “Shindo shilya riso lyilaleshiwona, maa kuṙwi kulaleshiicho (Maa iiṙa na mrimenyi ko mndu), shindo shilya Ruwa aleṟeyeṟia wamkundi.”

2 Wakorinto 5:16

Na kyawa soe wookyia wulalu luichi mndu oose kui mbaṟe ya mmbiu-pfo. Maa chandu soe lulemanya Kristo kui mbaṟe ya mmbiu, kyaindi wulalu lumwichi-se kuṙo-pfo.

Waefeso 3:8

Yee, ngoseṟa ya isho, ngyiwonyi shindo shoose nyi sha wulya kyipfa kya wucha wung'anyi mnu wo imanya Kristo Yesu, Mndumii oko; ulya kyipfa kyakye ngyileṙetsa shindo shoose ngyechishiwona kye nyi mboshia kundu ngyiwone Kristo.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.

3 Yohane 1:7

Cha kyipfa, kyipfa kya Rina-lyo, walefuma, walaambilyie kyindo ko walya walaiṙikyie Yesu.