Matayo 19:28 - Kivunjo New Testament 1999

²⁸ Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 19:28 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 19:27

Naaho-ng'u Petiro kagaluo, kammbia, “Soe luleṙa shoose lukokuosha; lochienengo kyi?”

Matayo 20:21

Yesu kammbia, “Nukundi kyikyi?” Kammbia, “Gamba kye wana-wa wako wawi waṙamie umwi kuwoko kopfo ko kulyoe na umwi kuwoko kopfo ko kumoso, Wumangyinyi wopfo.”

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 6:33

Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Mariko 10:37

Wakammbia, “Uluenengye soe luṙamie, umwi kuwoko kopfo ko kulyoe, na umwi kuwoko kopfo ko kumoso, mng'anonyi opfo.”

Mawuto Ga Wasu 3:21

Ulya awaṟi ikaa ruwewu mṟasa kyiyeri shindo shoose shewa shihya, kyiyeri kyikyigambe nyi Ruwa kui ṙumbu lya weonguo shisuku waele wookyia mawookyionyi ga wuyana.

2 Timoteo 2:12

Kokooya losimiria, lochichilyia hamwi na oe. Kokooya lomkana oe, na oe nelukana soe.

2 Petiro 3:13

Kyaindi chandu kyikyeri kyaasa kyakye, luiweṙelyia ruwewu ngyihya na uruka luhya, shikyeri kye wusumganyi wochikaa kyiiṙi kyasho.

Ulogo 11:16

Na wameeku walya makumi gawi na waana waṙamie mbele ya Ruwa shitimenyi shawo sha mng'ano wakaoloka na ndewu, wakaindia Ruwa,

Ulogo 12:1

Na kyiṟiyisho kying'anyi kyikawoneka ruwewu; mndu mka amṟikye mnengyeṟi, na mori uwekyeri wanda ya maṙende gakye, na mṙoenyi kokye oṟo ya nyenyeri ikumi na tsiwi.

Ulogo 20:4

Numa ya iho ngawona shitima sha mng'ano, wakaṙamia wuye yasho, nawo wakaenengo wuiṙimi wo ianduya. Na inyi ngawona mumuyo ya wandu walya walewaṙumbuo mṙoe kyipfa kya wuṟingyishi wo Yesu, na kyipfa kya Ṙeṙo lya Ruwa, na iwo walekyeterewa na iindia indo lyilya, maa ifano lyalyo, maa walaleambilyia kyindo kyeloṟa kye wo nyi wa indo-lyo ngyuushangunyi tsa shaam shawo, maa mawokonyi gawo. Nawo wakawaṙa moo, wakachilyia hamwi na Kristo maka kyiku.

Ulogo 21:5

Na oe aṙamie halya kyitimenyi kya mng'ano, kagamba, “Ngagaluo shindo shoose iwa shihya.” Kangyiwia, “Ṟeia kye maṙeṙo-ga nyi kyindo mndu eiṙima iiṙikyia; na nyi ga loi.”

Ulogo 22:2

makyiṙi-gawi ga njia yakye ing'anyi. Na ura-lu na ura-lu lo mfo ulya, kuwewoṙe ikyiṙi lya moo, lyekyekumbia ndunda, mbaṟe ikumi na tsiwi, lyekyekumbia ndunda tsalyo orio mori; na maṟa ga ikyiṙi-lyo nyi gekyiṟa masanga.

Ulogo 22:5

Maa kochiwaṙa-se kyio-pfo; maa wechipfula ngyeela ya taa maa ya mmbaṟi-pfo; cha kyipfa Mndumii Ruwa nechiwa ngyeela yawo, nawo wechichilyia mṟasa mlungana na mlungana.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.

Ulogo 4:4

Na shitima makumi gawi na shiina shileringyichia kyitima kyilya kya mng'ano, na wuye ya shitima shilya ngyilewona wameeku makumi gawi na waana, waṙamie, wawaṟikye nguwo tsa uwiṟo; na mṙoenyi kowo wawewoṙe oṟo tsa sahapu.

Ulogo 7:4

Ngaicho itala lya walya walewiko kyindo kyeloṟa kye nyi wa Ruwa orio mbaṟenyi ya Waisiraelyi, wandu shiku igana lyimwi makumi gaana na shiina.