Matayo 19:21 - Kivunjo New Testament 1999

²¹ Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Matayo 19:21 ပူးပေါင်းရင်းမြစ်များ

Matayo 16:24

Kyiyeri-kyo Yesu nalewia wanalosho wakye, “Mndu oose kakunda ingyiosha, nakulege amonyi, nakuṙikye msalaba okye, nangyioshe.

Matayo 19:20

Manakye ulya kammbia, “Igo goose ngyekyeosha kyilya gakundi. Ny'kyikyi ngyiwuṟie-se?”

Matayo 19:22

Kyiyeri manakye ulya aleicho ṙeṙo-lyo, kawuka ho akuinyaṙie; kyipfa nawewoṙe masaa gafoi.

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 4:19

Kawawia, “Ngyioshenyi, na inyi ngyechimugaluo muwe wandu wekyeṙega wandu.”

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Matayo 8:22

Kyaindi Yesu kammbia, “Ngyiosha; leka wapfu waṟikye wapfu wawo.”

Matayo 9:9

Na Yesu kyiyeri aweiṙa awuka pfo nalewona mndu aṙamie handu hesania ukamba mbai ya ipalyipalyi ekyelago Matayo, kammbia, “Ngyiosha.” Kaamka kamwosha.

Mariko 10:21

Yesu kamwitukuya ko pfinya kamkunda, kammbia, “Nuuṟie kyindo kyimwi. Yenda, undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu; numa ya iho nnjo ungyioshe.”

Mariko 2:14

Na kyiyeri aweiiṙa, kawona Lewi, mana o Alyifayo, aṙamie handu hesania ukamba mbai ya ipalyipalyi, kammbia, “Ngyiosha.” Kaamka kamwosha.

Mariko 8:34

Kalaga wuingyi wo wandu hamwi na wanalosho wakye, kawawia, “Mndu oose akundi ingyiosha nakulege amonyi, nakuṙikye msalaba okye, nangyioshe.

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 14:33

Kyasia, na wuṙo orio umwi onyu alandeṙe shoose awoṙe, eiṙima iwa manalosho oko-pfo.”

Luka 16:9

Na inyi ngyimmbia, waṙenyi mbuya na shindo sha wuyana, kundu kyiyeri shewuṟika wamuambilyie kulya-ndu mochikaa mlungana.

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Luka 5:27

Numa ya isho kawuka pfo kawona mosania ukamba, ekyelago Lewi, aṙamie handu hesania ukamba, kammbia, “Ngyiosha.”

Luka 6:40

Manalosho ekyeng'ania mlosha okye-pfo, kyaindi orio mndu aafutsia nechiwa cha mlosha okye.

Luka 9:23

Kawawia woose, “Mndu oose kakunda ingyiosha nakulege amonyi, nakuṙikye msalaba okye orio mfiri nangyioshe.

Yohane 10:27

Moondo gako gekyemanya ṟui lyako; na inyi ngyiichi moondo-go, nago gekyengyiosha.

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Mawuto Ga Wasu 2:45

wechikumba masaa gawo, na shindo shawo wawewoṙe, na igawia wandu woose orio mndu iṙuana na chandu awekundi.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.