Matayo 18:8 - Kivunjo New Testament 1999

⁸ Kyasia kuwoko kopfo ang'u kuṙende kopfo kukokutewe; ṙumbuo kuwoko-ko ang'u kuṙende-ko uwiyitse kuleshi na iyoe. Nyi nanga iiṙa na moonyi o mlungana ulawoṙe kuwoko ang'u kuṙende, kuta iwaṙa mawoko gawi na maṙende gawi, na iwiyitso moṙonyi o mlungana.

Matayo 18:8 ပူးပေါင်းရင်းမြစ်များ

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 25:46

Na iwo wechiyenda na iiṙa na ngaponyi ya mlungana; indi wasumganyi wechiyenda moonyi o mlungana.”

Luka 14:33

Kyasia, na wuṙo orio umwi onyu alandeṙe shoose awoṙe, eiṙima iwa manalosho oko-pfo.”

Luka 16:24

Kafiiṟa, kagamba, ‘Hoi papa Abrahamu, ngyiwonia wukyiwa, uṙume Lasaro nawikye kyimnyoe kyakye mṟingyenyi naoloṟe ulumi loko, kyipfa ngyituuro kunu moṙonyi.’

Waroma 13:12

Kyio nyi iiṙa kyii kyingoto kyamtikyira kufuhi; kyasia luṙe mawuto ga meema, na iṟaa shisha sha ngyeela.

Ulogo 14:10

nechinyo mpfinyo o nyashi ya Ruwa ingyiṟeyeṟe, kulawoṙe isanzo-sanzo na mṟinga, kyiṙoonyi kya nyashi yakye; na oe nechilyiso wukyiwa kui moṙo na kyipiriti mbele ya malaika waele, na mbele ya Kyiondo kya Ruwa.

Ulogo 20:15

Na kokooya mndu oose alalewono amṟeie kyitapunyi kya moo, nalewiyitso kulya iruwenyi lya moṙo.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”