Matayo 18:6 - Kivunjo New Testament 1999

⁶ “Kyaindi echitewe umwi o iwa watutu wangyiiṙikyie, kyimmbaṟi napfungyio nzingonyi ikyesa na iwiyitso kyitsindenyi kya ipalyipalyi.

Matayo 18:6 ပူးပေါင်းရင်းမြစ်များ

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 18:14

Na wuṙo kyilachihiṟie ushangunyi lo Awu-yonyu akyeri ruwewu kye umwi o iwa watutu naṙekye.”

Matayo 18:5

Na orio oose echiambilyia mana umwi mfano o ichu kui rina lyako, nangyiambilyia inyi.”

Mariko 9:42

“Na mndu echitewe umwi o iwa watutu wangyiiṙikyie, nanga apfungyio ikyesa nzingonyi kokye, na iwiyitso ipalyipalyinyi.

Mawuto Ga Wasu 9:5

Kagamba, “Nyi wui iyoe, Mndumii?” Na oe kagamba, “Inyi nyi Yesu ungyilyisa wukyiwa.

Waroma 14:21

Nyi kyicha iṙa ilya nyama maa inyo mpfinyo maa iwuta kyindo kyoose kyetewe mono-womoo naolokye.