Matayo 18:32 - Kivunjo New Testament 1999

³² Naaho-ng'u Mndumii okye kamlaga, kammbia, ‘Iyoe mṟundi mmbicho, ngyilekuhooṟia iyoe sile iya yoose, lyilya ulengyiterewa;

Matayo 18:32 ပူးပေါင်းရင်းမြစ်များ

Matayo 18:27

Mndumii o mṟundi ulya kammbonia wukyiwa kampfunguo, kamhooṟia sile iya.

Matayo 18:31

Kyasia kyiyeri mbuya tsakye tsilewona shilya shileṟundika, tsilewihiyo mnu mrimenyi, tsikayenda tsikaongoya Mndumii otso shoose shileṟundika.

Matayo 18:33

na iyoe, ngyesa kyiwekuwaṟi isaṟia mbuya yapfo, chandu inyi ngyilekusaṟia iyoe-pfoe?’

Matayo 25:26

Mndumii okye kagaluo, kagamba, ‘Iyoe mṟundi mmbicho na mṙoko. Nulemanya kye ngyekyesambuo handu ngyilawaaya, ngyekyesania handu ngyilaolyia mbeu.

Luka 19:22

Kammbia, ‘Iyoe mṟundi mmbicho. Ngyekuanduya kui maṙeṙo gapfo. Nulemanya kye inyi nyi mndu muumu, ngyekyeambilyia kyilakyeri kyako na isambuo ngyilawaaya.

Waroma 3:19

Kyasia luichi kye mbonyi tsoose uwawaso lugambie ko walya wawachilyie nyi uwawaso, kundu orio mndu nawio natsie, na wuyana woose wuchilyio nyi ianduyo lya Ruwa.

Yakobo 2:13

Kyipfa Ruwa echiwoṙo nyi fowa mrimenyi kyiyeri aianduya mndu alekyewoṙo nyi fowa mrimenyi-pfo. Kyipfa iwoṙo nyi fowa mrimenyi lying'anyi kuta ianduya.