Matayo 17:9 - Kivunjo New Testament 1999

⁹ Na kyiyeri waweisoka fumvunyi, Yesu nalewawia, “Mulawie mndu oose mbonyi tsa isho moloṟo, mṟasa kyiyeri Mono-Adamu echiṟuka ko wapfu.”

Matayo 17:9 ပူးပေါင်းရင်းမြစ်များ

Matayo 12:16

Kawaima walamṟingyishie;

Matayo 17:12

kyaindi ngammbia kye Elyiya amcha, walammanye, kyaindi wakammbutia orio kyindo walekunda. Na wuṙo Mono-Adamu na oe aindelyiso wukyiwa kowo.”

Matayo 17:20

Yesu kawawia, “Kyipfa kya wufofo wo iiṙikyia lyanyu. Cha kyipfa, ny'kyaloi, ngammbia, mukowaṙa iiṙikyia lyishikyie cha mbeu ya haradalyi mochiwia fumvu-lyi, ‘Wuka iha uyende kulya;’ nalyo lyechiwuka ho; maa kochiwaṙa kyindo kyilechiiṙimika konyu-pfo. [

Matayo 17:22

Nawo kyiyeri wawekyeri Galyilaya, Yesu kawawia. “Mono-Adamu naindewiko mawokonyi ga wandu, nawo wechimmbaaga, na mfiri o kaṟaaṟu nechiṟuka”.

Matayo 17:23

Wakawoṙo nyi fowa mnu mrimenyi kowo.

Matayo 17:8

Wakaambuo, walawone mndu sile Yesu amonyi.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Matayo 8:4

Yesu kammbia. “Ulawie mndu; kyaindi yenda, undekuloṟa ko mkohanyi, undeenengyia kyiano chandu Mose alegamba, kyiwe wuṟingyishi kowo.”

Mariko 8:30

Kawatutuma walawie mndu mbonyi tsakye.

Luka 8:56

Wafee wakye wakaṟiyio mnu, kyaindi kawaima walawie mndu kyindo kyilewutika.

Luka 9:36

Na kyiyeri ṟui-lyo lyiletsia, Yesu kawoneka akyeri amonyi. Nawo wakatsia, walaongoye mndu isho shoose walewona mfiri iya yoose.