Matayo 17:27 - Kivunjo New Testament 1999

²⁷ Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Matayo 17:27 ပူးပေါင်းရင်းမြစ်များ

Matayo 17:26

Na oe kyiyeri alegamba, “Ko wayenu,” Yesu nalemmbia, “Kyasia, kokooya nyi wuṙo, wana wawaṟi itaa ukamba-pfo.

Matayo 18:6

“Kyaindi echitewe umwi o iwa watutu wangyiiṙikyie, kyimmbaṟi napfungyio nzingonyi ikyesa na iwiyitso kyitsindenyi kya ipalyipalyi.

Matayo 18:8

Kyasia kuwoko kopfo ang'u kuṙende kopfo kukokutewe; ṙumbuo kuwoko-ko ang'u kuṙende-ko uwiyitse kuleshi na iyoe. Nyi nanga iiṙa na moonyi o mlungana ulawoṙe kuwoko ang'u kuṙende, kuta iwaṙa mawoko gawi na maṙende gawi, na iwiyitso moṙonyi o mlungana.

Matayo 5:29

Riso lyapfo lya kulyoe lyikakutewe, lyikuluoe ulyiwiyitse kuleshi na iyoe; kyipfa kyikuwaṟi kyoonyi kyapfo kyimwi kyiṙekye kundu mmbiu opfo oose ulawiyitso ngyehenenyi.

Matayo 5:30

Na kuwoko kopfo ko kulyoe kukokutewe, ṙumbuo kuwoko-ko uwiyitse kuleshi na iyoe. Kyipfa kyikuwaṟi kyoonyi kyapfo kyimwi kyiṙekye, kundu mmbiu opfo oose ulawiyitso ngyehenenyi.”

Mariko 9:42

“Na mndu echitewe umwi o iwa watutu wangyiiṙikyie, nanga apfungyio ikyesa nzingonyi kokye, na iwiyitso ipalyipalyinyi.

Mariko 9:43

Na kuwoko kopfo kukokutewe, ṙumbuo kuwoko-ko. Nyi nanga iiṙa na moonyi o mlungana uwoṙe kuwoko kumwi, kuta iwaṙa mawoko gawi na iyenda ngyehenenyi, kundu kuwoṙe moṙo ulekyeruma; [

Luka 17:2

Nanga mndu-cho awepfungyio ikyesa nzingonyi kokye, nandewiyitso ipalyipalyinyi, kuta itewe umwi o iwa watutu.

Yohane 6:61

Na Yesu aichi mrimenyi kokye kye wanalosho wakye walenunuwa kyipfa kya kyindo-kyo, kawawia, “Ngyesa kyindo-kyi kyimutewe iilacha iiṙikyia lyanyu?

Waroma 14:21

Nyi kyicha iṙa ilya nyama maa inyo mpfinyo maa iwuta kyindo kyoose kyetewe mono-womoo naolokye.

1 Wakorinto 8:13

Koikyo kyelya kyikatewe mono-wama oko nanyamaṟe, loi ngyechilya nyama mṟasa mlungana-pfo, ngyilachetewe mono-wama oko nanyamaṟe.

1 Wakorinto 8:9

Kyaindi ambuyenyi wuiṙimi-wu wonyu wo iwuta kyoose mokunda wulachetewe walya wafafa wanyamaṟe.

2 Wakorinto 6:3

Maa lulawe wandu wetewe wengyi ioloka kyindonyi kyoose, kundu ṙeko lyilawono iṟundenyi lyaṙu.

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.

1 Watesalonikye 5:22

Kushowenyi na wuwicho wa orio mbaṟe.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”