Matayo 17:18 - Kivunjo New Testament 1999

¹⁸ Yesu kaṙeṙia mṟufui ulya mmbicho, kawuka mana ulya. Manakye ulya kyakyia wookyia kyiyeri kyilya.

Matayo 17:18 ပူးပေါင်းရင်းမြစ်များ

Matayo 12:22

Kyiyeri kyilya kaendio mndu awoṙo nyi mṟufui mmbicho, kyipfupfuṟe kyiwekyeiṙima iṙeṙa; kamkyiṟa, na ulya alaweiṙima iṙeṙa kaṙeṙa na iambuo.

Matayo 15:28

Naaho-ng'u Yesu kagaluo kammbia, “Mama, iiṙikyia lyapfo nyi lying'anyi; na kyiwe kopfo chandu ukundi.” Mana ulya okye o kyika kachia cha ilyi.

Matayo 17:17

Yesu kagaluo, kagamba, “Nyoe rika lyilawoṙe iiṙikyia, lyiendie njia ilawaṟi, ngyechikaa hamwi na nyoe mṟasa indi? Ngyeṙuana na nyoe mṟasa indi? Mwendenyi na kunu koko.”

Matayo 17:19

Numa wanalosho walya wakayenda ko Yesu kui kyiṟika, wakagamba, “Ny'kyilyi soe lulaiṙima immbuta?”

Matayo 9:22

Yesu kagaluka kammbona, kammbia, “Kuwanze mnu mrimenyi, mono-ko; iiṙikyia lyapfo lyakukyiṟa.” Mndu mka ulya kachia saa iya.

Mariko 1:34

Kakyiṟa wafoi wawewoṙe ndoṟe tsa orio mbaṟe, kawuta waṟufui wafoi wawicho, maa alelekyia waṟufui wawicho iṙeṙa-pfo, cha kyipfa wawemwichi.

Mariko 5:8

Cha kyipfa nalemmbia, “Iyoe mṟufui mmbicho, wuka mndu-chu.”

Luka 4:41

Waṟufui wawicho nawo wakawuka ko wandu wafoi; wechikalagatsa na igamba, “Iyoe nyi Mana o Ruwa.” Kawaṙeṙia, alawalekyie iṙeṙa, kyipfa walemmanya kye oe nyi Kristo.

Luka 8:29

Kyipfa nalekoaṙeṙia mṟufui ulya mmbicho nawukye mndu ulya. Kyipfa nawekyemmbaṙa kyiyeri kyifoi, mṟasa kawamoringo kyipfungonyi, echipfungo na mshe na ngowa; kaṙumbuo shipfungo shilya, kaṟichiṟo nyi mṟufui ulya mmbicho mṟasa nukyenyi ngyiumu suwaa ilawoṙe maa mṟinga.

Luka 9:42

Kyiyeri aweiyenda kokye, mṟufui mmbicho ukomwolotsa wanda, kauma nguku. Yesu kaṙeṙia mṟufui ulya mmbicho, kakyiṟa mana ulya, kammbiyiṟia awuye.

Mawuto Ga Wasu 16:18

Kyikawuta isho mfiri ifoi. Kyaindi Paulo kawihiyo mnu, kainduka kawia mṟufui ulya mmbicho, “Ngakuwia kui rina lya Yesu wuka mndu-chu.” Kammbuka kyiyeri kyilya kyilya.