Matayo 16:28 - Kivunjo New Testament 1999

²⁸ Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 16:28 ပူးပေါင်းရင်းမြစ်များ

Matayo 10:23

Kyaindi ilyi wechimfuna mṟinyi umwi, ṙichilyienyi mṟinyi ungyi. Cha kyipfa nyi loi ngammbia mochimarisa ionguo mbonyi mṟinyi ya Isiraelyi Mono-Adamu alacha-pfo.

Matayo 16:13

Kyasia Yesu kayenda ngyuura tsa Kaisaria-Filyipi, kawesa wanalosho wakye, kagamba, “Wandu wekyegamba Mono-Adamu nyi wui?”

Matayo 24:3

Na lyilya aweṙamie fumvunyi lya mashiṙi ga mseituni, wanalosho wakye wakayenda kokye kui kyiṟika, wechigamba, “Luwie, mbonyi-tsi tsechiwa indi? Na kyiṟingyishio kya icha lyapfo na kya mafurumionyi ga wuyana nyi kyikyi?”

Matayo 24:34

Ny'kyaloi, ngammbia, rika-lyi lyechiiṙa-pfo, mṟasa kyiyeri isho shechiafukyia.

Matayo 24:42

“Kyasia laenyi kyiṙombo; kyipfa muichi nyi mfiri uha Mndumii onyu echicha-pfo.

Matayo 26:64

Yesu kammbia, “Iyoe nogamba; kyaindi ngammbia, wookyia wulalu mochiwona Mono-Adamu aṙamie kuwoko ko kulyoe ko Ruwa echicha mapuchinyi ga ruwewu.”

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Mariko 13:26

Iho nyilyo wechiwona Mono-Adamu echicha mapuchinyi kui pfinya tsifoi na mng'ano.

Mariko 8:38

Kyipfa orio mndu echirigo nyi sonu kyipfa kyako, na malosho gako, kyiiṙi kya rika-lyi lya wuṟui na wunyamaṟi, Mono-Adamu nechirigo nyi sonu kyipfa kya mndu-cho, kyiyeri echicha mng'anonyi o Awu okye hamwi na malaika waele.”

Mariko 9:1

Kawawia, “Ny'kyaloi, ngammbia, kuwoṙe wandu kyiiṙi kya iwa wagoṟokyi iha, wechiwaṙa moo, mṟasa kyiyeri wechiwona Ruwa echichilyia.”

Luka 18:8

Ngyimmbia, newaenenga kyilya kyiwaṟi iwinyi; kyaindi, kyiyeri Mana o Adamu echicha, ngyesa newona iiṙikyia wuyanenyi?”

Luka 2:26

Na oe nawemmbie nyi Mumuyo Mweele kye echipfa alawona Kristo o Mndumii-pfo.

Luka 9:27

Na inyi ngyimmbia loi, kuwoṙe wandu wagoṟokyi iha, walechiwona upfu maa ale, mṟasa wawone kuwooka Wumangyi wo Ruwa.”

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Yohane 8:51

Ny'kyaloi, ngammbia ‘Mndu kaosha kyilya malosho gako gagamba mrima okye ochiwaṙa moo mlungana.’ ”

Yohane 8:52

Kyasia Wayuda wakammbia, “Wulalu lomanya kye nuwoṙo nyi mṟufui mmbicho. Abrahamu alempfa, na weonguo shisuku walempfa; na iyoe nugamba, ‘Mndu kaosha kyilya malosho gako gagamba mrima okye ochiwaṙa moo mlungana.’

Mawuto Ga Wasu 1:11

wakagamba, “Nyoe wandu wa Galyilaya, ny'kyilyi muiambuya ruwewu? Yesu-chu aṙoo iwuka konyu iyenda wuye ruwewu, newuya chandu mommbona echiyenda ruwewu.”

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

2 Petiro 1:16

Kyipfa luleosha shindo shileṟeio kui wuṟango na ngyeṟo kyiyeri lulemmanyisha nyoe pfinya tsa Mndumii oṙu Yesu Kristo na icha lyakye-pfo; indi lulekolowona luwenyi wung'anyi wokye.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.