Matayo 16:27 - Kivunjo New Testament 1999

²⁷ Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:27 ပူးပေါင်းရင်းမြစ်များ

Matayo 13:41

Mono-Adamu nechiṙuma malaika wakye, nawo wechisania iwuka ipfo Wumangyinyi wokye, woose wekyeende wunyamaṟi, na iwo wekyefunja mawawaso,

Matayo 13:49

Nyi wuṙo kyechiwa mafurumionyi ga wuyana. Malaika wechiwoneka, wewikyia wawicho kuleshi na wasumganyi,

Matayo 24:30

Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 26:64

Yesu kammbia, “Iyoe nogamba; kyaindi ngammbia, wookyia wulalu mochiwona Mono-Adamu aṙamie kuwoko ko kulyoe ko Ruwa echicha mapuchinyi ga ruwewu.”

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Mariko 14:62

Yesu kagamba, “Inyi nyi oe, na nyoe mochiwona Mono-Adamu aṙamie kuwoko ko kulyoe ko Ruwa monyi pfinya, echicha na mapuchi ga ruwewu.”

Mariko 8:38

Kyipfa orio mndu echirigo nyi sonu kyipfa kyako, na malosho gako, kyiiṙi kya rika-lyi lya wuṟui na wunyamaṟi, Mono-Adamu nechirigo nyi sonu kyipfa kya mndu-cho, kyiyeri echicha mng'anonyi o Awu okye hamwi na malaika waele.”

Luka 21:27

Iho nyiho wewona Mana o Adamu echicha ipuchinyi hamwi na pfinya na mng'ano ung'anyi.

Luka 22:69

Kyaindi wookyia wulalu Mana o Adamu nechiṙamia ura lo kulyoe lo Ruwa Mopfinya.”

Luka 9:26

Cha kyipfa orio mndu echingyiwonia sonu inyi na maṙeṙo gako, Mana o Adamu nechiwonia sonu mndu-cho kyiyeri echicha mng'anonyi okye na o Awu na malaika waele.

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Yohane 21:23

Kyasia mbonyi-tso tsikaṙunganana ko walya wawekyeosha Yesu kye manalosho ulya echipfa-pfo. Kyaindi Yesu alewawia kye echipfa-pfo indi nalegamba, “Kokooya ngyikundi ichu nawaṙe moo mṟasa kyiyeri ngyechicha, ikyo kyakuenenga kuṙa wukyiwa?”

Mawuto Ga Wasu 1:11

wakagamba, “Nyoe wandu wa Galyilaya, ny'kyilyi muiambuya ruwewu? Yesu-chu aṙoo iwuka konyu iyenda wuye ruwewu, newuya chandu mommbona echiyenda ruwewu.”

Waroma 14:12

Kyasia nyi wuṙo, orio mndu kyiiṙi kyaṙu echiwuta mbonyi tsakye amonyi mbele ya Ruwa.

Waroma 2:6

Echitaa orio mndu iṙuana na mawuto gakye.

1 Wakorinto 15:23

Kyaindi orio umwi handu hakye; o kuwooka iṟuka ko wapfu nyi Kristo; numa walya wakyeri wa Kristo, kyiyeri echicha.

1 Wakorinto 3:13

Kyipfa mfiri ulya o ianduyo ochiloṟa iṟunda-lyo na pata cha kyipfa lyechiloṟo moṙonyi; na moṙo ulya ochiyesha iṟunda lya orio mndu, nyi lya mbaṟe iha.

1 Wakorinto 8:8

Kyaindi kyelya kyekyeluṙuo mbele ya Ruwa-pfo; kyipfa lulalye losoko kyindo-pfo; maa lukolya loengyeṟio kyindo-pfo.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

Wafilyipi 6:8

Mochimanya kye orio kyindo kyicha mndu echiwuta neenengo ikyo ikyo nyi Mndumii, kokooya nyi mtumo ang'u ote.

Wakolosai 3:25

Kyipfa molya mbaka netoo wori wo ilya mbaka, maa kuwoṙe ikundia-pfo.

1 Watesalonikye 1:10

Na iweṙelyia Mono-kye iwuka Ruwewu, ulya alemṟutsa iwuka ko wapfu, na oe nyi Yesu, echilushingyia lulaolokyio nyi nyashi ya Ruwa iya iicha.

1 Watesalonikye 4:16

Cha kyipfa Mndumii amonyi nechisoka iwuka ruwewu, na wandu wechiicho ṟui lying'anyi lyilaga, na ṟui lya msongoru o malaika, na iganda lya Ruwa; na walya walepfa waiṙikyie Kristo wechiṟutso kuwooka.

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

1 Petiro 1:17

Na kokooya mokyemlaga Awu, ulya ekyeanduya wandu kulawoṙe ikundia, iṙuana na iṟunda lyakye, chumienyi kui wuowu kyiyeri kya ikaa lyanyu iha cha wayenu.

1 Yohane 2:28

Na wulalu, wana wako, kaenyi kokye, kundu ilyi echiloṟo, luwaṙe wukari na wuṟango, maa lularigo nyi sonu mbele yakye kyiyeri kya icha lyakye lya kawi.

Yuda 1:14

Na Enokyi, mndu o mfungaaṙe numa ya Adamu, naleonguo shisuku kyipfa kyawo, echigamba, “Ambuya, Mndumii nalecha na waele wakye, shiku kui shiku,

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.

Ulogo 20:12

Ngawona wapfu, wang'anyi na watutu, wagoṟokyi mbele ya kyitima-kyo kya mng'ano; na shitapu shishipfunguoe; na malaika wakapfunguo kyitapu kyingyi, kyikyeri kya moo; na wapfu-wo wakaanduyo kui shindo shishiṟeie ipfo shitapunyi, iṙuana na mawuto gawo.