Matayo 16:26 - Kivunjo New Testament 1999

²⁶ Kyipfa mndu nechiiria ho kyi kaenengo wuyana woose, na iṙetsa mrima okye? Ang'u mndu nechienengyia kyi handu ha mrima okye?

Matayo 16:26 ပူးပေါင်းရင်းမြစ်များ

Matayo 16:25

Cha kyipfa mndu akundi ikyiṟa mrima okye, nechiuṙetsa; na mndu echiṙetsa mrima okye kyipfa kyako, nechiukyiṟa.

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 5:29

Riso lyapfo lya kulyoe lyikakutewe, lyikuluoe ulyiwiyitse kuleshi na iyoe; kyipfa kyikuwaṟi kyoonyi kyapfo kyimwi kyiṙekye kundu mmbiu opfo oose ulawiyitso ngyehenenyi.

Luka 12:20

Kyaindi Ruwa kammbia, ‘Iyoe tondo, kyio-kyi kya inu wakundi mrima opfo. Na shindo-sho ukoomie shewa sha wui?’

Luka 16:25

Abrahamu kagamba, ‘Mono-ko, kumbuo kye iyoe nuleambilyia mecha gapfo kyiyeri uwekyeri na moo, na Lasaro nyi wuṙo alewona mawicho; na wulalu oe nakyeri iha naiwiyiṟio moo, na iyoe nutuuro.

Luka 9:25

Cha kyipfa nyi kyiira kyiha mndu echiwona kawona wuyana woose; kokooya aṙetsa moo okye na ikuṙetsa amonyi?