Matayo 16:13 - Kivunjo New Testament 1999

¹³ Kyasia Yesu kayenda ngyuura tsa Kaisaria-Filyipi, kawesa wanalosho wakye, kagamba, “Wandu wekyegamba Mono-Adamu nyi wui?”

Matayo 16:13 ပူးပေါင်းရင်းမြစ်များ

Matayo 12:32

Na mndu oose echiṙeṙa Mono-Adamu uwicho nechihooṟio, kyaindi ulya echiṙeṙa Mumuyo Mweele uwicho echihooṟio-pfo.’ ”

Matayo 12:40

Kyipfa chandu Yona awekyeri mfiri iṟaṟu kyingoto na kyio ndewunyi ya nyangumi, na wuṙo Mono-Adamu echikaa mfiri iṟaṟu kyingoto na kyio amṟikye terinyi.

Matayo 12:8

Cha kyipfa Mono-Adamu nyi oe Mndumii o mfiri o onyonya.”

Matayo 13:37

Kagaluo, kagamba, “Ekyewaaya mbeu tsilya ngyicha nyi Mono-Adamu.

Matayo 13:41

Mono-Adamu nechiṙuma malaika wakye, nawo wechisania iwuka ipfo Wumangyinyi wokye, woose wekyeende wunyamaṟi, na iwo wekyefunja mawawaso,

Matayo 15:21

Yesu kawuka handu halya, kayenda mbai ura lo Tiro na Sidon.

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Matayo 9:6

Kyaindi muiṙime imanya kye Mono-Adamu nawoṙe wuchilyi wuyanenyi wo hooṟia ngyuunyamaṟi, (Nawia ulya awoṙe ndoṟe ya ipfa ngapfu ura lumwi,) ‘Amka, ukuṙikye kyitaṟa kyapfo uyende kanyi kopfo.’ ”

Mariko 10:45

Cha kyipfa Mono-Adamu alecha icheṟundio-pfo, indi iṟundia wengyi, na ireka moo okye uwe kyindo kyekyiṟa wengyi.”

Mariko 8:38

Kyipfa orio mndu echirigo nyi sonu kyipfa kyako, na malosho gako, kyiiṙi kya rika-lyi lya wuṟui na wunyamaṟi, Mono-Adamu nechirigo nyi sonu kyipfa kya mndu-cho, kyiyeri echicha mng'anonyi o Awu okye hamwi na malaika waele.”

Yohane 1:51

Kammbia, “Loi, loi ngammbia, mochiwona mapuchi geseia na malaika wa Ruwa wechiṙooya na isokyia wuye ya Mana o Adamu.”

Yohane 12:34

Kyasia wandu wa kyisanzionyi wakamgaluo, wakagamba, “Soe luleicho uwawasonyi kye Kristo nai pfo mṟasa mlungana; na iyoe nugamba kuṙa kye Mana o Adamu nawaṟi iirio wuye? Mana-cho o Adamu nyi wui?”

Yohane 3:14

“Na chandu Mose aleira njoka iya kulya nukyenyi ngyiumu suwaa ilawoṙe maa mṟinga, na wuṙo Mana o Adamu awaṟi iiro;

Yohane 5:27

Na oe kamwenenga wuchilyi wo ianduya kyipfa nyi Mono-Adamu.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 7:56

Kagamba, “Ngyiwonyi ruwewu iṟuukyie, na Mono-Adamu nagoṟokyi kuwoko ko kulyoe ko Ruwa.”