Matayo 15:22 - Kivunjo New Testament 1999

²² Na mndu mka Mkananayo o ura lulya kacha, kakuilengakyika echigamba, “Ungyisaṟie, Mndumii, Mono-Dawidi; mana oko o waka nawoṙo kyetse nyi mṟufui mmbicho.”

Matayo 15:22 ပူးပေါင်းရင်းမြစ်များ

Matayo 1:1

Iga nyigo marina ga waku wa Yesu Kristo awei o kyishari kya Dawidi na Abrahamu.

Matayo 15:23

Maa oe alemgaluo kyindo-pfo. Na wanalosho wakye wakayenda kokye wakamterewa, wechigamba, “Mlekye nayende; cha kyipfa naikalagatsa numa yaṙu.”

Matayo 17:15

“Mndumii, usaṟie mono-ko, cha kyipfa nawoṙo nyi iuma nguku, na ilyiso wukyiwa wuwicho; kyipfa kafoi nekyeoloka moṙonyi, na kafoi mṟingyenyi.

Matayo 4:24

Na mbonyi tsakye tsikaṙunganana urukyenyi lo Shamu loose; wakamwendie woose waweluoe, wawoṙo nyi orio ndoṟe na orio ilyiso wukyiwa, wawoṙo nyi waṟufui wawicho, na wekyeuma nguku, na wapfiie ngapfu ura lumwi; kawakyiṟa.

Matayo 9:27

Kyiyeri Yesu aweiṙa iwuka pfo, shipfupfuṟe shiwi shikamwosha, shikakuilenga, shechigamba, “Ulusaṟie, Mono-Dawidi.”

Luka 17:13

Wakakuilenga wechigamba, “Hoi Yesu, Mndumii ung'anyi, ulusaṟie!”

Luka 18:13

Kyaindi mosania ukamba ulya nalegoṟoka kuleshi maa alekaria iambuya ruwewu-pfo, indi nalekapa-kapa kyipoota echigamba, ‘Hoi Ruwa, ungyihooṟie inyi mnyamaṟi.’

Luka 6:18

Na walya waweituuro nyi waṟufui wawicho walekyiṟo.