Matayo 14:24 - Kivunjo New Testament 1999

²⁴ Na ngalawa iya ilekoyamshika makyiṙi-gawi ga ipalyipalyi, yechilya wukyiwa mnu kyipfa shiwiṟi shiweikapa.

Matayo 14:24 ပူးပေါင်းရင်းမြစ်များ

Matayo 8:24

Kukowaṙa shiwiṟi shing'anyi kulya ipalyipalyinyi; shiwiṟi-sho shikakapa ngalawa iya ikashikyio nyi mṟinga, na oe nawelee maṙoe.

Mariko 6:48

Kawawona wechilya wukyiwa kyipfa kya ikuruo makasia, cha kyipfa kyiwiṟi kyiwekyilang'a. Na lyilya kulewa (cha kamba lya kaana lyeringa kyio) naleyenda ko wanalosho echumia wuye ya ipalyipalyi; kawa cha ilyi nakundi iwaiṙa.

Yohane 6:18

Na nduwa ikawooka ifoika kyipfa mkuma ung'anyi uweikuma.

Mawuto Ga Wasu 11:24

Kyipfa nawekyeri mndu mcha aichuo Mumuyo Mweele na iiṙikyia; wandu wafoi wakaengyeṟika ura lo Mndumii.

Mawuto Ga Wasu 27:4

Iwuka Sidon lukopfunga kyaro lukoyenda mṟasa Kyipiro kundu kyiwiṟi kyilakukape, cha kyipfa shiwiṟi shiweng'anyi.