Matayo 14:19 - Kivunjo New Testament 1999

¹⁹ Kagamba wuingyi wo wandu waṙamie maṟenyi. Kaira mkate iya itanu na makunga galya gawi, kaambuya wuye ruwewu, kawikyia mboṟa, kafunja mkate iya, kaenengyia wanalosho, wanalosho wakaenengyia wuingyi wulya wo wandu.

Matayo 14:19 ပူးပေါင်းရင်းမြစ်များ

Matayo 14:18

Kagamba, “Ngyiendienyi.”

Mariko 6:39

Kawawia wawaṟamiṟe woose, shiṙombo shiṙombo, handu hawoṙe maṟa mawishi.

Mariko 6:41

Kawaṙa mkate iya itanu na makunga galya gawi, kaambuya ruwewu, kaana, kapeṟenguo mkate iya, kaenengyia wanalosho wakye wawagawie; na makunga galya gawi kawagawia woose.

Mariko 7:34

Kaambuya wuye ruwewu, katerewa Ruwa kui isumkyia lying'anyi, kammbia, “Efata”, kyimwi na igamba, “Tambuluka.”

Luka 22:17

Kaambilyia kyiṙoo, kaana, echigamba, “Ambilyienyi ikyi, mugawane nyoe wenyi ko wenyi.

Luka 22:19

Kaambilyia mkate, kaana, kaupeṟenguo, kawaenengyia echigamba, “Ichu nyicho mmbiu oko uiwuto kyipfa kyanyu. Wutenyi kuṙi kui ingyikumbuo.”

Luka 24:30

Na kyiyeri aweṙamie nawo echilya, naleira mkate, kauwikyia mboṟa, kaupeṟenguo.

Luka 9:14

Kyipfa wasoṟo wawekyeri ho wawei cha shiku shitaanu. Kawia wanalosho wakye, “Ṟamiṟenyi wandu kui nzengye, orio nzengye wandu makumi gataanu.”

Luka 9:16

Kawuta mkate iya itanu na makunga galya gawi, kaambuya wuye ruwewu kashiwikyia mboṟa, kapeṟenguo, kaenengyia wanalosho wakye kundu wagawie wuingyi wulya wo wandu.

Yohane 11:41

Kyasia wakawuta ho igoe lyilya. Yesu kaambuya wuye, kagamba, “Awu, ngakuana cha kyipfa nongyiaṙanyia.

Yohane 6:23

(Kyaindi kukocha ngalawa tsingyi iwuka Tiberia mṟasa kufuhi na handu halya walekowalyiia mkate, kyiyeri Mndumii Yesu aleana).

Mawuto Ga Wasu 27:35

Amgambe kuṙo kaira mkate, kaana Ruwa mbele yawo woose, kaupeṟenguo, kawooka ilya.

Waroma 14:6

Ulya mong'anyisa mfiri, nekyeung'anyisa ko Mndumii; na molya, nekyelya ko Mndumii, cha kyipfa naana Ruwa; lyingyi-se, ulya alekyelya ailya ko Mndumii-pfo, na oe taa naiana Ruwa.

1 Wakorinto 10:16

Kyiṙoo kyilya kya kyilaayo kyiele lokyeana Ruwa kyipfa kyakyo chi samu ya Kristo lokyeinyo handu hamwi-pfoe? Mkate ulya lokyeupeṟenguo, chi mmbiu o Kristo lokyeulya handu hamwi-pfoe?

1 Wakorinto 10:31

Kyasia, kyiyeri muilya, ang'u muinyo, ang'u muiwuta kyindo kyoose, wutenyi kuṙo kui ienenga Ruwa kyiṟumi.

1 Wakorinto 11:24

na oe amwane Ruwa kaupeṟenguo, kagamba, “Ichu nyi mmbiu oko ummbute kyipfa kyanyu; wutenyi kuṙi kui ingyikumbuo inyi.”

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.