Matayo 14:15 - Kivunjo New Testament 1999

¹⁵ Na kyiyeri kuleila, wanalosho wakye waleyenda kokye, wakagamba, “Handu ha nyi nuka mreesi, na kyiyeri kyamwiṙa. Samana na wuingyi wo wandu, wayende shikaṟonyi, wandeguṟa shelya.”

Matayo 14:15 ပူးပေါင်းရင်းမြစ်များ

Matayo 14:13

Na Yesu kyiyeri aleicho isho, nalewuka ipfo ngalawenyi, kayenda handu halawoṙe wandu, hatsie sau. Na wuingyi wo wandu kyiyeri waleicho, walemwosha wechumia na maṙende wawuka mṟinyi kowo.

Matayo 14:14

Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyiṟa ndoṟe tsawo.

Matayo 14:16

Yesu kawawia, “Wawoṙe kyitewe kyeyenda-pfo. Waenengyenyi kyelya.”

Matayo 15:23

Maa oe alemgaluo kyindo-pfo. Na wanalosho wakye wakayenda kokye wakamterewa, wechigamba, “Mlekye nayende; cha kyipfa naikalagatsa numa yaṙu.”

Mariko 8:3

na inyi ngawasama wayende kanyi kowo na kunu wakuretekyie, wechioloka njienyi; na waata wawukyie kuleshi.”

Luka 9:12

Na mnengyeṟi ukowooka iolokyia, walya ikumi na wawi wakayenda kokye, wakammbia, “Samana na wuingyi-wu wo wandu kundu wayende shikaṟo sha mṟasenyi na iha, wawone handu helaa na shelya kyipfa iha handu lukyeri nyi nuka mreesi.”