Matayo 13:11 - Kivunjo New Testament 1999

¹¹ Kagaluo kawawia, “Nyoe muwaenengye imanya shiṟika sha Wumangyi wo ruwewu, kyaindi wo wawaenengye-pfo.

Matayo 13:11 ပူးပေါင်းရင်းမြစ်များ

Matayo 13:10

Wanalosho wakacha, wakammbia, “Kyitewe uiṙeṙa nawo kui mfano ny'kyi?”

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 19:11

Kyaindi oe kawawia, “Chi woose weiṙima iambilyia ṙeṙo-lyi-pfo, sile walya wawaenengye wuiṙimi.

Matayo 20:23

Kawawia, “Kyaloi mochiiṙima ituuro cha inyi, kyaindi iṙamia kuwoko koko ko kulyoe na kuwoko koko ko kumoso, ngyiwoṙe pfinya yemuenenga-pfo, indi weenengo walya wawaṟeyeṟie nyi Awu-yoko.”

Mariko 10:40

kyaindi mbonyi tsa iṙamia kuwoko koko ko kulyoe ang'u kuwoko koko ko kumoso chi momu oko imuenenga-pfo, sile wechienengo iwo wamuṟeyeṟio.”

Mariko 4:11

Kawawia, “Nyoe muwaenengye imanya kyiṟika kya Wumangyi wo Ruwa, indi ko walya wai nja ya Wumangyi-wo shoose shekyeṟundika kui mfano,

Luka 8:10

Kagamba, “Nyoe muwaenengye imanya shiṟika sha Wumangyi wo Ruwa; indi wengyi nyi kui mfano, kundu wakaambuya walawone, na wakaicho walamanye.

Yohane 6:65

Kagamba, “Kyipfa kya ikyo ngammbia kye kuwoṙe mndu eiṙima icha na koko sile Awu amwenenga wuiṙimi-pfo.”

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Mawuto Ga Wasu 16:14

Mndu mka umwi ekyelago Lyidia, ekyekumba ṟangyi ya kyimaande-maande, mndu awukyie Tiatira, aowuye na ikunda Ruwa, kaluaṙanyia, ulya Mndumii alemwenenga imanya mrimenyi kokye, naambilyie na iiṙikyia malosho ga Paulo.

Waroma 11:25

Cha kyipfa wana wa wama wako, ngyikundi mulamanye wuṟikyi-wu-pfo, kundu mulachekusaṟa kye mulawaṟango; kye wuumu wo Waisiraelyi nyi kundu masanga gengyi gamanye Ruwa.

Waroma 16:25

Wulalu naṟumisho ulya echiiṙima imukarisha, iṙuana na Ndumi Ngyicha ngyileonguo kya wucha wo Yesu Kristo, kyilyingananyi na kyilya kyiwekuṟiikyie wookyia kyiyeri kyileshi kyileiṙa. Wulalu Ruwa nashukuo

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

1 Wakorinto 15:51

Ngammbia kui kyiṟika; lochipfa loose-pfo, kyaindi loose lochiilachika,

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Wakorinto 2:7

Indi lokyeonguo wuṟango wo Ruwa kui kyiṟika, wuṟango wulya wuwuṟikye, wulya Ruwa awekundi luuonguo wookyia mawookyionyi, kundu lung'anyiso.

1 Wakorinto 4:1

Mndu naluwone kye lukyeri waṟundi wa Kristo, na wandu Ruwa awaenengyie iṟunda lyeonguo wuloi wokye wukuṟiikyie.

1 Wakorinto 4:7

Kyipfa nyi wui echiloṟa chandu ulafananyi na ungyi? Na iyoe nuwoṙe kyikyi ulaikyiambilyia? Kyaindi kokooya nuleambilyia, nuikushelyia kyi kye uleambilyia-pfo?

Wafilyipi 1:18

Ruwa naṟuguo mrima yanyu iiṙime iwona, mumanye ikusuria lya ilaga lyakye chandu lyikyeri; na wusuṟi wo mng'ano wo kyioṟa kyakye wandunyi wa Ruwa chandu wukyeri.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Wafilyipi 5:32

Wuṟikyi-wu wung'anyi; indi inyi ngyiṙeṙa mbonyi tsa Kristo na Siṟi.

Wafilyipi 6:19

na kyipfa kyako taa, ngyienengo pfinya yeonguo kundu ngyiiṙime iloṟa wandu kyiṟika kyilya kya Ndumi Ngyicha.

Wakolosai 2:2

Kundu wawiyiṟio moo mrima yawo, wechisanzo ikundenyi wawone wunjama woose wo imanya kui wuloi, waiṙime imanya nakamwi wuṟikyi wo Ruwa, kyimwi na igamba kye nyi Kristo;

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

1 Timoteo 3:9

Wechiosha malosho ga iiṙikyia Yesu kui mrima ngyiwaṙami.

Yakobo 1:5

Kyaindi mndu o konyu kauṟa wuṟango, naterewe ko Ruwa, ekyeenenga woose kui ilekyia, maa ekyeṟoṟoma-pfo; na oe nechienengo.

1 Yohane 2:20

Muwapusie Mumuyo Mweele na nyoe moose muichi.

1 Yohane 2:27

Na nyoe, Mumuyo Mweele muleambilyia kokye ukyeri mrimenyi konyu, maa kuwoṙe kyimaṙuma kya mndu imulosha nyoe-pfo; kyaindi chandu Mumuyo okye uimulosha mbonyi tsa shindo shoose, lyingyi-se nyi loi maa chi wongo-pfo, na chandu ulemulosha, kaenyi kokye.