Matayo 12:50 - Kivunjo New Testament 1999

⁵⁰ Cha kyipfa orio oose echiṟunda shilya Awu-yoko akyeri ruwewu akundi, ichu nyi oe mono-wama oko, na mshikyi oko, na wama oko.”

Matayo 12:50 ပူးပေါင်းရင်းမြစ်များ

Matayo 12:49

Kagoṟuya wanalosho wakye kuwoko, kagamba, “Wonenyi wama oko na wana wa wama wako!

Matayo 13:1

Mfiri ulya Yesu kawuka kanyi kaṙamia mbai ya ipalyipalyi.

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Matayo 25:45

Na oe newagaluo, echigamba, ‘Ny'kyaloi, ngammbia, chandu mulalewutia umwi o iwo wai watutu, mulengyiwutia inyi-pfo.’

Matayo 28:10

Numa ya iho Yesu kawawia, “Mulaowuoe. Yendenyi, mundewia wana wa wama wako wayende Galyilaya. Nyi pfo-ndu wechingyiwona.”

Mariko 3:35

Cha kyipfa orio mndu echiṟunda shilya Ruwa akundi, icho nyi oe mono-wama oko, na mshikyi oko, na wama oko.”

Luka 8:21

Kagaluo, kawawia, “Wama oko na wana wa wama wako nyi iwo waiaṙanyia Ṙeṙo lya Ruwa na iosha kyilya lyikundi.”

Yohane 15:14

Nyoe mochiwa mbuya tsako, mukowuta shilya ngammbia.

Yohane 20:17

Yesu kammbia, “Ulangyipaaye, cha kyipfa ngyilandeṙo na ruwewu ko Awu-pfo. Kyaindi yenda ko wana wa wama wako uwawie ngyiiṙo na ruwewu ko Awu oko na oe nyi Awu onyu, ko Ruwa oko na oe nyi Ruwa onyu.”

Yohane 6:29

Yesu kagaluo, kawawia, “Ilyi nyilyo iṟunda lya Ruwa, mumwiṙikyie ulya aleṙumo nyi oe.”

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Mawuto Ga Wasu 17:30

“Kyasia, kyiyeri kyilya kya kacha kya wutondo Ruwa nalewa cha ilyi alawonyi; indi wulalu naiwia wandu woose wa orio handu waṙumbuye wunyamaṟi.

Mawuto Ga Wasu 26:20

indi ngyileonguo Ṙeṙo lya Ruwa kuwooka ko wandu wa Dameskyi na Yerusalemu, na urukyenyi loose lo Uyuda, na ko wandu walaiṙikyie Yesu, kye waṙumbuye wunyamaṟi na igalukyia Ruwa, wechiwuta shilya shiṙuṙanyi na iṙumbuya wunyamaṟi.

Waroma 8:29

Kyipfa walya awewaichi wookyia mawookyionyi, nalewasambuṟa wookyia mawookyionyi wafananyisho na mfano o Mono-kye, kundu oe nawe mmbele o wana wa wama wafoi.

1 Wakorinto 9:5

Luwoṙe wuiṙimi wo iṙuo hamwi na soe mka mkristiano, cha wasu-wo wengyi na wana wa wama wa Mndumii na Kyefa-pfoe?

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wagalatia 6:15

Cha kyipfa iṙino ang'u iṙa iṙino chi kyindo-pfo, indi kyindo kying'anyi nyi iwa mndu mhya.

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.

1 Timoteo 5:2

Ṙeṙa na wakyeku cha wamama wapfo; wana wa kyika cha washikyi wapfo; kui mkaṟo ulawoṙe ukoe lo wuṟui.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.

1 Yohane 2:17

Na wuyana wuisia, hamwi na lango tsa wuyana-wo, indi ulya ekyewuta shilya Ruwa akundi nechikaa ho mṟasa mlungana.

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.