Matayo 12:41 - Kivunjo New Testament 1999

⁴¹ Wandu wa Ninawi wechigoṟoka mfiri o ianduyo hamwi na wandu wa rika-lyi. Nawo wechianduya rika-lyi kye lyileṙeko. Kyipfa wo waleṙumbuya wunyamaṟi kui malosho ga Yona; na iha hakyeri ai ang'anyi kuta Yona.

Matayo 12:41 ပူးပေါင်းရင်းမြစ်များ

Matayo 12:39

Kagaluo kawawia, “Rika lyiwicho lya wuṟui lyipfula kyiṟingyishio, maa lyechienengo kyiṟingyishio-pfo, sile kyiṟingyishio kya moonguo shisuku Yona.

Matayo 12:42

Mangyi o kyika o ura lo kyaseri nechigoṟoka mfiri o ianduyo hamwi na wandu wa rika-lyi, na oe nechiwaanduya kye waleṙeko. Kyipfa oe nalecha iwuka ngyuura tsa kyishingonyi tsa wuyana kundu naicho wuṟango wo Solomon, na iha hakyeri ai ang'anyi kuta Solomon.”

Matayo 12:45

cha ilyi nekyeyenda, kaṙuo handu hamwi na oe waṟufui wengyi wawicho mfungaaṙe wakyeri wawicho kuta oe amonyi, nawo wekyeiṙa na numba na ikaa pfo; na mndu ulya mafurumionyi gakye gekyewiha kuta kulya mawookyionyi. Nyi wuṙo kyechiwa, ko rika-lyi lyii lyiwicho.”

Matayo 12:6

Kyaindi ngammbia, kye iha nakyeri ho ai ang'anyi kuta numba ya Ruwa.

Matayo 16:4

Rika lyiwicho na lya wuṟui lyikundi kyiṟingyishio, maa lyechienengo kyiṟingyishio-pfo, sile kyiṟingyishio kya Yona.” Kalekana nawo, kayenda.

Matayo 17:17

Yesu kagaluo, kagamba, “Nyoe rika lyilawoṙe iiṙikyia, lyiendie njia ilawaṟi, ngyechikaa hamwi na nyoe mṟasa indi? Ngyeṙuana na nyoe mṟasa indi? Mwendenyi na kunu koko.”

Matayo 23:36

Ny'kyaloi, ngammbienyi, ngapo-tso tsoose tsechiolokyia rika-lyi.

Luka 11:32

Wandu wa Ninawi wegoṟoka mfiri o ianduyo hamwi na rika-lyi, nawo wechiwaanduya kye waleṙeko; kyipfa wo waleṙumbuya wunyamaṟi kyipfa kya mbonyi Yona aleonguo, na iha hakyeri ang'anyi kuta Yona.”

Yohane 3:31

“Ulya acha awuka wuye, icho nakyeri wuye ya shoose. Ulya akyeri o wuyana, kanyi kokye nyi wuyanenyi, na oe nekyeṙeṙa shindo sha wuyanenyi. Ulya aicha awuka ruwewu nakyeri wuye ya shoose.

Yohane 4:12

Ngyesa iyoe nung'anyi kuta awu oṙu, Yakobo, aleluenenga kyisima-kyi, na oe kanyo pfo mṟinga, na wana wakye taa, na shima shakye?”

Waroma 2:27

Na icho alamṙine wookyia kuwooka, ekyeosha kyilya uwawaso lukundi, echikuanduya iyoe umṙine, konyamaṟa uwawaso-pfoe?

Waebrania 11:7

Kui iiṙikyia Noe amwikyimbio nyi Ruwa ko mbonyi tsa shindo shilandewonekye, kui chandu aleindia na iowuo Ruwa, naleachikyia safina, naiṙime ikyiṟa wandu wa kanyi kokye. Na kui kyilya alewuta naleloṟa wandu wa wuyana kye wawoṙe ṙeko, kawa mokyioṟa o wusumganyi wokyewono kui iiṙikyia.