Matayo 11:5 - Kivunjo New Testament 1999

⁵ shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 11:5 ပူးပေါင်းရင်းမြစ်များ

Matayo 10:8

Kyiṟenyi waluoe, ṟutsenyi wapfu, yeṟemtsenyi wawoṙo nyi taambo, wutenyi waṟufui wawicho; muleenengo mulaitaa kyindo, enengyienyi mulaitoo kyindo.

Matayo 11:4

Yesu kagaluo kawawia, “Yendenyi mundeongoya Yohane shilya mushiicho na ishiwona;

Matayo 12:13

Naaho-ng'u kawia mndu ulya, “Goṟuo kuwoko kopfo.” Kagoṟuo kuwoko, kukochia, kukowaṙa pfinya cha kulya ko kawi.

Matayo 21:14

Na shipfupfuṟe na shiwete shikayenda kokye akyeri kulya hekalunyi, kashikyiṟa.

Matayo 5:3

“Wagusu iwo wawoṙe wukyiwa wo mrima; kyipfa Wumangyi wo ruwewu nyi wowo.

Matayo 9:30

Meso gasho gakatambaṟuka. Na Yesu kashiwia ko pfinya, echigamba, “Ambuyenyi maa mndu alamanye.”

Mariko 7:37

Wakaṟiyio mnu, wechigamba, “Naṟunda shindo shoose necha. Wapfu maṙwi naiwaenenga iicho, na wai ndiṟi iṙeṙe.”

Mariko 9:25

Na Yesu awonyi kye wuingyi wo wandu wuisanza iwinyi, kaṙeṙia mṟufui ulya mmbicho, kammbia, “Iyoe mṟufui mmbicho moima iṙeṙa na iaṙanyia, inyi ngakuwia, wuka ko ichu, maa ulaiṙe-se na kokye.”

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Yohane 10:25

Yesu kawagaluo, kawawia, “Ngyilemmbia, kyaindi nyoe mulaiṙikyie. Maṟunda-ga ngyiṟunda kui rina lya Awu oko nyigo gaingyiṟingyishia.

Yohane 10:38

Kyaindi ngagaṟunda, maa kokooya mulangyiiṙikyia inyi, iṙikyienyi maṟunda-go; muiṙime imanya kye Awu nai kyiiṙi kyako, na inyi ngyii kyiiṙi kya Awu.”

Yohane 2:23

Na kyiyeri awekyeri Yerusalemu kyiyeri kya Pasaka wandu wafoi waleiṙikyia rina lyakye, kyiyeri walewona shiṟiyisho alewuta.

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 5:36

Kyaindi wuṟingyishi ngyiwoṙe inyi wung'anyi kuta wulya wo Yohane; cha kyipfa maṟunda galya Awu alengyienenga ngyigaṟunde gangyiṟingyishia kye Awu nalengyiṙuma.

Yohane 9:7

kammbia, “Yenda undesamba kulya iruwenyi lya Siloamu.” (Kyimwi na igamba, “Aleṙumo.”) Kyasia mndu ulya awei kyipfupfuṟe kayenda na isamba; kawuya ewona.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”