Matayo 11:29 - Kivunjo New Testament 1999

²⁹ Waṙilyienyi iṟunda-lyi ngyimṙambika, mukuloshe koko; kyipfa inyi ngyimhoo na muindi mrimenyi; na nyoe mochiwaṙa ufoṟo mrimenyi konyu.

Matayo 11:29 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 21:5

“Wienyi mṟi o Sion, mangyi opfo naicha na kopfo, namhoo, na oe naṙamie wuye ya nzoi. Na igache lya nzoi, mana o nzoi.”

Matayo 28:20

na iwalosha iosha shoose ngyilemmbi nyoe. Na inyi ngyikyeri na nyoe mfiri yoose, mṟasa mafurumionyi ga wuyana.”

Matayo 7:24

“Kyasia orio mndu ekyeicho maṙeṙo-ga gako na igaosha, nechiwa cha mndu awoṙe wuṟango, alewika numba yakye wuye ya iṟaṟa.

Luka 8:35

Wandu wakafuma indewona ikyo kyilewutika, wakayenda ko Yesu, wakawona mndu ulya alewuto waṟufui wawicho aṙamie maṙendenyi ga Yesu, aṟee nguwo na makusaṟo gakye gai mecha, wakaowuo.

Yohane 13:15

Cha kyipfa ngamumloṟa chandu mowuta; kundu chandu ngammbutia, na nyoe muwute kuṙo.

Yohane 13:17

Wulalu momanya isho ngammbia; agusu nyoe kokooya moshiwuta!

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’

1 Wakorinto 9:21

Ko walya walawoṙe mawawaso ngyilewa cha ngyilawoṙe mawawaso (chi kye ngyilawoṙe mawawaso mbele ya Ruwa-pfo, indi ngyiwoṙe mawawaso mbele ya Kristo), kundu ngyigalutsie ura lo Yesu walya walawoṙe mawawaso.

2 Wakorinto 10:1

Kyasia, inyi Paulo ngyimonyi ngyimuterewa kui wuhoo na wuyendelyi wo Kristo, inyi ngyikyeri msimiri ngyikyeri hamwi na nyoe, indi ngyilakyeri ho ngyiwoṙe wuṟango na wukari konyu.

2 Wakorinto 10:5

lochinyamaṟa makusaṟo na orio kyindo kyekyeshingyia, kyekyeshingyia wuṟango wo Ruwa, na lochichilyia orio mndu naiṙime iindia Kristo.

Waefeso 2:5

Waṙenyi makusaṟo galya galya Yesu Kristo awewoṙe;

1 Watesalonikye 4:2

Cha kyipfa muichi nyi shindo shiha lulemmbia mushiwute kyiiṙi kya Mndumii Yesu.

2 Watesalonikye 1:8

Nesoka moṙonyi wuiaka; kunu echitaa kyiṟaache iwo walaichi Ruwa, na iwo walaindie Ndumi Ngyicha ya Mndumii oṙu Yesu.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.