Matayo 10:37 - Kivunjo New Testament 1999

³⁷ Akundi awuye ang'u wamae kuta inyi, angyiwaṟi-pfo, maa akundi mono-kyisoṟo ang'u mono-kyika kuta inyi, angyiwaṟi-pfo.

Matayo 10:37 ပူးပေါင်းရင်းမြစ်များ

Matayo 22:37

Yesu kammbia, “Kunda Mndumii Ruwa opfo kui ngoo yapfo yoose, na kui mrima opfo oose, na kui wuṟango wopfo woose.

Matayo 22:8

Numa ya iho kawia shisinga shakye, ‘Wolyi wommba, kyaindi walya wawalage wawaṟi-pfo.

Luka 14:26

“Kokooya mndu acha na koko na oe asuuye awuye maa wamae, na mka okye, na wana wakye, na wana wa wamae wa kyisoṟo na wa kyika; yee maa mrima okye amonyi, echiiṙima iwa manalosho oko-pfo.

Luka 20:35

kyaindi, walya wekyetalo kye wawaṟi iambilyia wuyana wulya, na kulya iṟuka ko wapfu, wekyealyika maa ialyiko-pfo.

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

Yohane 5:23

kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo.

Ulogo 3:4

Kyaindi nuwoṙe marina maangu ipfo Saridi, wandu walekyefanyiṟa nguwo tsawo na ukoe. Nawo wechiyenda hamwi na inyi waṟee nguwo ngyiilyi cha itso, cha kyipfa wawaṟi.