Matayo 10:23 - Kivunjo New Testament 1999

²³ Kyaindi ilyi wechimfuna mṟinyi umwi, ṙichilyienyi mṟinyi ungyi. Cha kyipfa nyi loi ngammbia mochimarisa ionguo mbonyi mṟinyi ya Isiraelyi Mono-Adamu alacha-pfo.

Matayo 10:23 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 2:13

Na iwo wamuyende, malaika o Mndumii nalecha na ko Yosefu ndoṙonyi kagamba, “Yenda, uṙuo mana na wamae, uṙiche na Misiri, ukae pfo mṟasa ngyikuwie; kyipfa Herode nakundi ipfula mana namrumatse.”

Matayo 23:34

Kyipfa kya ikyo, inyi ngyiṙuma konyu weonguo shisuku na wawoṙe wuṟango na walosha wa mawawaso na wengyi kyiiṙi kyawo mochiwawaaga na iwakapia msalabenyi, wengyi kyiiṙi kyawo mochiwakapa wakyeri masinagoginyi ganyu na iwafuna mṟi kui mṟi.

Matayo 23:36

Ny'kyaloi, ngammbienyi, ngapo-tso tsoose tsechiolokyia rika-lyi.

Matayo 24:27

Cha kyipfa chandu mbawa yekyewaṟuka iwuka ura lo ngamenyi mṟasa ikawono ura lo kyukonyi, nyi wuṙo kochiwa kyiyeri kya icha lya Mono-Adamu.

Matayo 24:30

Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 24:34

Ny'kyaloi, ngammbia, rika-lyi lyechiiṙa-pfo, mṟasa kyiyeri isho shechiafukyia.

Matayo 24:48

Kyaindi mṟundi ulya mmbicho kagamba mrimenyi kokye, ‘Mndumii oko naikyelyio,’

Matayo 25:13

Kyasia laenyi kyiṙombo, cha kyipfa muichi mfiri-cho maa saa-pfo.”

Matayo 26:64

Yesu kammbia, “Iyoe nogamba; kyaindi ngammbia, wookyia wulalu mochiwona Mono-Adamu aṙamie kuwoko ko kulyoe ko Ruwa echicha mapuchinyi ga ruwewu.”

Matayo 4:12

Yesu amwicho kye Yohane Mpatisi nampfungye, naleyenda mṟasa Galyilaya.

Mariko 13:26

Iho nyilyo wechiwona Mono-Adamu echicha mapuchinyi kui pfinya tsifoi na mng'ano.

Luka 18:8

Ngyimmbia, newaenenga kyilya kyiwaṟi iwinyi; kyaindi, kyiyeri Mana o Adamu echicha, ngyesa newona iiṙikyia wuyanenyi?”

Luka 21:27

Iho nyiho wewona Mana o Adamu echicha ipuchinyi hamwi na pfinya na mng'ano ung'anyi.

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Mawuto Ga Wasu 17:10

Cha ilyi wandu walya waweiṙikyie Yesu wakaṙuma Paulo na Sila kyiyeri kya kyio, wakayenda mṟasa Beroya. Nawo kyiyeri waleshika pfo wakaiṙa na Sinagoginyi lya Wayuda.

Mawuto Ga Wasu 17:14

Kyiyeri kyilya kyilya walya waiṙikyie Yesu wakaṙuma Paulo nayende mṟasa mbai ya ipalyipalyi; indi Sila na Timoteo wakaṙio kulya Beroya.

Mawuto Ga Wasu 20:1

Kyiyeri mtiṟi ulya uletsia, Paulo kaṙuma wanalosho wandelago, kawakarisha na isamana nawo; numa ya iho kayenda mṟasa Makyedonia.

Mawuto Ga Wasu 8:1

Mfiri ulya kukowaṙa wukyiwa wung'anyi kulya siṟinyi ya Yerusalemu. Wandu woose wa siṟi wakanyanyaṟika urukyenyi lo Uyuda na Samaria, kyaindi wasu walenyanyaṟika-pfo.