Matayo 10:14 - Kivunjo New Testament 1999

¹⁴ Na mndu alandemuambilyie na iaṙanyia maṙeṙo ganyu, ilyi mowuka ipfo kokye, ang'u ipfo mṟinyi, kute-kutenyi kyilulyi ipfo maṙendenyi ganyu, iloṟa mowalega nakamwi.

Matayo 10:14 ပူးပေါင်းရင်းမြစ်များ

Matayo 10:13

Na kokooya mndu-cho na walya wa kanyi kokye wawaṟi, ufoṟo lo Mndumii lukae nawo; indi kokooya walawaṟi, ufoṟo lo Mndumii lummbiyilyie nyoe.

Matayo 18:5

Na orio oose echiambilyia mana umwi mfano o ichu kui rina lyako, nangyiambilyia inyi.”

Mariko 6:11

Na handu hoose walandemuambilyie nyoe maa imuaṙanyia, kyiyeri mowuka ho, kute-kutenyi kyilulyi kyikyeri maṙendenyi ganyu, kundu wamanye wuwicho wo kyilya wawuta.”

Mariko 9:37

“Mndu kaambilyia mana umwi o mbaṟe-i kui rina lyako, nangyiambilyia inyi; na mndu kangyiambilyia inyi, naambilyia, chi inyi-pfo, indi ulya alengyiṙuma.”

Luka 9:48

kawawia, “Mndu oose echiambilyia mana-chu kui rina lyako nangyiambilyia inyi; na mndu oose echingyiambilyia inyi naambilyia ulya alengyiṙuma. Kyipfa ai mtutu kyiiṙi kyanyu moose icho nyi oe ang'anyi.”

Luka 9:5

Na walya walechimuambilyia, ilyi mochiwuka ipfo mṟinyi, kute-kutenyi kyilulyi kyikyeri maṙendenyi ganyu, kyiwe wuṟingyishi kowo.”

Yohane 13:20

Ny'kyaloi ngammbia, ulya aambilyia mndu oose ngamṙuma, nangyiambilyia inyi; na ulya angyiambilyia inyi naambilyia ulya alengyiṙuma.”

Mawuto Ga Wasu 13:51

Nawo wakaambutsa kyilulyi maṙendenyi gawo, wakayenda mṟinyi okyelago Ikonio.

Mawuto Ga Wasu 18:6

Kyiyeri walekaṟuana na oe na ilahia Ruwa, kakuta-kuta nguwo tsakye, kawawia, “Kokooya mokuṙetsa nyoe muwenyi wuwicho-wo nyi wonyu na chi wo wandu wengyi-pfo. Inyi ngyiwoṙe wuwicho-pfo na wookyia wulalu ngyindeongoya Ṙeṙo lya Ruwa wandu walya walaiṙikyie Yesu.”

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.