Matayo 1:21 - Kivunjo New Testament 1999

²¹ Na oe nechienengo mana o womi, na iyoe nochimlaga Yesu, kyipfa, nyi oe echiwuta wandu wakye ngyuunyamaṟi tsawo.

Matayo 1:21 ပူးပေါင်းရင်းမြစ်များ

Matayo 1:25

alakooyane na oe kyimmbiu maa lyimwi, mṟasa kyiyeri aleenengo mana okye; kamlaga Yesu.

Luka 1:13

Kyaindi malaika ulya kammbia, “Ulaowuoe, Sakaria, kyipfa kyiterewo kyapfo kyaaṙanyio, na mka opfo, Elyisapeti, nechifee mana o kyisoṟo, na nochimlaga Yohane.

Luka 1:31

Nochiira mana na nofee mana o kyisoṟo; na nochimlaga Yesu.

Luka 2:11

Kyipfa inu mṟinyi o Dawidi nafeo, kyipfa kyanyu, Mkyiṟa, nyi oe Kristo Mndumii.

Luka 2:21

Hamwiṙe mfiri nyanya, kyiyeri kyeṙina mana kyamwafukie, nalelago nyi Yesu, chandu Malaika alekoamlaga kyiyeri alandemogo.

Yohane 1:29

Ilya-ngama kawona Yesu echicha na kokye, kagamba, “Aikyi Kyiondo kya Ruwa, kyechiwuta ngyuunyamaṟi tsa wuyana!

Yohane 4:42

Wakawia mndu mka ulya, “Wulalu loiṙikyia, maa chi kyipfa kya maṙeṙo gapfo tupu-pfo, maa soe loicho luwenyi. Lyingyi-se luichi kye kyaloi ichu nyi oe Mkyiṟa o wuyana.”

Mawuto Ga Wasu 13:23

Kyisharinyi kya Dawidi Ruwa naleendie wandu wa Isiraelyi Mkyiṟa, Yesu, chandu alewika kyaasa.

Mawuto Ga Wasu 3:26

Ruwa, amṟutse mṟundi okye Yesu, nalemṙuma konyu kuwooka, kundu nammbikyie mboṟa kui igalutsa orio umwi onyu nakae kuleshi na wuwicho wokye.’ ”

Mawuto Ga Wasu 4:12

“Maa kuwoṙe wukyiṟo kui mndu ungyi oose-pfo, cha kyipfa kuwoṙe rina lyingyi kunu wuyanenyi soe wandu luleenengo lyelukyiṟa-pfo.”

Mawuto Ga Wasu 5:31

Mndu-cho Ruwa nalemng'anyisa kui kuwoko kokye ko kulyoe, nawe Ang'anyi na Mkyiṟa naenengye wandu wa Isiraelyi iṙumbuya na ihooṟio wunyamaṟi.

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.

1 Yohane 1:7

Indi lukowaṙa mkaṟo ya ngyeela, chandu oe akyeri ngyeelenyi, lokaa handu hamwi soe, na samu ya Kristo, Mono-kye, yalusanja wunyamaṟi woose.

1 Yohane 3:5

Na nyoe muichi kye Kristo naleloṟo, kundu naluwute ngyuunyamaṟi; na wunyamaṟi wukyeri kokye-pfo.

Ulogo 7:14

Ngamgaluo, ngammbia, “Mndumii oko, nuichi iyoe.” Kangyiwia, “Iwo nyiwo wawukyie kulya wukyiwenyi wung'anyi, nawo wasanjie nguwo tsawo, na itsiilyiṟa peṟu samunyi ya Kyiondo kya Ruwa.