Mariko 8:6 - Kivunjo New Testament 1999

⁶ Kagamba wuingyi wo wandu waṙamie wanda. Kaira mkate iya mfungaaṙe, kaana, kaipeṟenguo, kaenengyia wanalosho wakye wawagawie; wakagawia wuingyi wulya wo wandu.

Mariko 8:6 ပူးပေါင်းရင်းမြစ်များ

Matayo 26:26

Nawo kyiyeri waweilya, Yesu naleira mkate, kauwikyia mboṟa, kaupeṟenguo, kaenengyia wanalosho wakye, kagamba, “Waṙilyienyi, mulye. Ichu nyicho mmbiu oko.”

Mariko 8:20

“Na iya mfungaaṙe ienengyia walya shiku shiina, muleira mkunja inga iichuo shipeṟengu?” Wakammbia, “Mfungaaṙe.”

Mariko 8:5

Kawawesa, “Muwoṙe mkate inga?” Wakagamba, “Mfungaaṙe.”

Mariko 8:7

Wawewoṙe shipere shaangu; kashiwikyia mboṟa, kagamba wagawio na isho taa.

Luka 12:37

Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia.

Luka 24:30

Na kyiyeri aweṙamie nawo echilya, naleira mkate, kauwikyia mboṟa, kaupeṟenguo.

Yohane 2:5

Wamae kawia waṟundi, “Kyindo kyoose echimmbia, wutenyi.”

Yohane 6:23

(Kyaindi kukocha ngalawa tsingyi iwuka Tiberia mṟasa kufuhi na handu halya walekowalyiia mkate, kyiyeri Mndumii Yesu aleana).

Waroma 14:6

Ulya mong'anyisa mfiri, nekyeung'anyisa ko Mndumii; na molya, nekyelya ko Mndumii, cha kyipfa naana Ruwa; lyingyi-se, ulya alekyelya ailya ko Mndumii-pfo, na oe taa naiana Ruwa.

Wakolosai 3:17

Na orio kyindo mochiwuta, kui ṙeṙo ang'u kui iṟunda, wutenyi shoose rinenyi lya Mndumii Yesu, mochiana Ruwa Awu kui oe.